Home General Trahadonan a bira victima directo fracaso di Citgo

Trahadonan a bira victima directo fracaso di Citgo

237
0
SHARE
- Advertisement -

Gobierno Eman a ripiti wega di 2014 na 2017

Den un crisis severo mester haya empleo nobo 

ORANJESTAD(AAN)– E trahadonan di e proyecto Citgo, a bira e victimanan directo di e fracaso di Citgo cu a desaroya a base di e mes proceso politico cu gobierno anterior a aplica na 2014. Informantenan a mustra cu tanto na 2014 como na 2017 gobierno anterior no a informa pueblo di e situacion real di e proyecto cu e tabata sa cu lo tin tur probabilidad di fracasa.

Un siguransa a wordo duna na pueblo y sigur na trahadonan di Citgo directamente pero tambe trahadonan di cantidad di compania cu a mira luz a base di e proyecto, cu na 2018 un crecemento economico total tabata spera.

Cifranan oficial a wordo duna na trahadonan y companianan cu lo a haya oportunidad di habri nan porta ora e proyecto a mira luz.

Gobierno anterior a contradeci tur advertencia cu e proyecto por a fracasa y ainda tin exponente di gobierno anterior cu ta haci kere cu e proyecto por a bira realidad.

Segun DIARIO a comprende, e situacion cu a surgi ta sumamente doloroso y por bay tin resultado mas grandi si no logra atrae otro compania den un situacion dificil.

For di 2016 e diversificacion economico cu mester a tuma luga a keda tranca pasobra tabata uza Citgo como e proyecto cu lo a bira pilar pa tur otro actividad.

Ta ora gobierno a conoce cambio y tanto instancianan oficial como e supervision Hulandes a exigi cambio, Aruba a bira consciente cu e proyecto en berdad por fracasa.

Mientras Aruba tabata den e crisis financiero cu a aumenta tur gasto dor di e pagonan necesario pa e debe nacional, sector laboral a haya mas confirmacion di e caracter sumamente dudoso di e proyecto.

Den un reunion informativo cu Ministro Presidente Evelyn Wever-Croes, trahadonan y representantenan di staf a ricibi informacionnan pero tambe a sugeri pa nan haya representacion den e comision cu ta atende futuro di e refineria.

Mientras e cifra di desempleo a baha na Aruba, retiro di personal si e proyecto fracasa lo nifica cu den un tempo sumamente dificil loke mester a crea miles di empleo pa Aruba lo stop di existi.

E impacto di e realidad actual ta sumamente grandi y DIARIO ta realisando investigacion pisa pa informa Aruba debidamente.

- Advertisement -

DUNA COMENTARIO

Please enter your comment!
Please enter your name here