Home General Tur persona cu kier cria bestia mester tin un tereno destina pa...

Tur persona cu kier cria bestia mester tin un tereno destina pa crianza

18
0
SHARE
- Advertisement -

Directora di Santa Rosa, Nathalie Maduro

ORANJESTAD (AAN):  Un persona cu kier cria bestia ta mara na cierto reglanan cu Santa Rosa ta pidi pa cumpli cu nan.

Directora di Santa Rosa, Nathalie Maduro, a laga sa cu e permiso aki ta depende con y ki bestia kier cria. Den caso di un porco, un baca of te hasta un cantidad grandi di cabrito/carne, mester tin un tereno destina pa crianza.

Hopi biaha ora un hende ta haya un contract di huurgrond, no ta pasa door di e contract pa wak kico ta e condicionnan y kico ta e exigencianan di parti di gobierno pa cu e tereno como tambe kico otro mester cumpli cune, a remarca.

Den caso di bestia, na momento cu drenta un peticion pa un persona haya un tereno pa crianza di bestia, Santa Rosa ta bay pa por wak e tipo di tera, e ubicacion, con e setup lo mester ta ariba e tereno.

Di otro banda tin tambe Departamento di Salubridad cu tin cu haci opname y duna nan parti. Si ta un area cu ta hopi habita y vooral si e bestianan ta grandi y ta forma un problema pa e bisiñanan, hopi biaha e peticion ta haya un ‘negatief advies”, Maduro a indica.

Awendia tin maneranan cu apesar cu ta cria bestia por mantene e tereno limpi. Por uza creolin, cu mantencion diario, cambia e awa regularmente. Tur esaki ta pa salubridad en general pero tambe di e bestianan mes pa asina por ofrece na final un producto di calidad for di bestianan sano, a enfatiza.

Pesey pa traha ariba cierto maneho Santa Rosa mester di datonan y cifranan. Ta pidiendo tur persona pa registra cerca nan pa haya un bista total di cuanto hende ta practicando cria di bestia, cuanto bestia tin den promedio.

A base di e informacion ey, Santa Rosa por haci mas planeamento y por wak na unda mester introduci mas proyecto y kico ta e prioridadnan pa cada sector, Maduro a indica.

 

 

- Advertisement -

DUNA COMENTARIO

Please enter your comment!
Please enter your name here