Home Cultura Un acogida grandi pa e presentacion di e Festival den Free Winds

Un acogida grandi pa e presentacion di e Festival den Free Winds

38
0
SHARE
- Advertisement -

Simon Gollo, Fundador y Director Artistico di ASFA cu gran expectativa:

ORANJESTAD (AAN)—Simon Gollo, Fundador y Director Artistico di Aruba Symphony Festival Academy, den entrevista cu DIARIO a expresa cu esaki ta e di cinco edicion di e festival, cual a bin ta creciendo rapidamente.

Observando cu satisfaccion e gran acogida di un publico grandi, yegando na Free Winds, asina interesa den musica y aportando na e crecemento cultural di Aruba, sr. Gollo a expresa cu esaki ta, sin duda, un muestra di loke e turismo di futuro mester ta.

Mas di cien musico di mas di 15 nacionalidad ta na Aruba, y a wordo construi un orquesta pa e festival, diferente ensamble di musica di camara, lesnan cotidiano, y esaki ta un festival cu a instala caba den e expectativanan cultural di Aruba.

El a subraya cu cada bez mas e necesidad cu musica ta parti di e educacion y e tin entendi cu tin bon noticia di Ministerio di Educacion, relaciona cu esaki. E Festival aki ta un organizacion cu ta suma su mes na e desaroyo cultural di Aruba.

Sr. Gollo a agrega cu e Festival tin un reputacion internacional hopi importante, pasobra nan tin mas cu 20 artista internacional cu ta bin Aruba pa duna les tur aña, y entre 70 cu 80 participante cu ta bin cada aña pa participa den e Festival.

“Evidentemente un festival ta un gran fiesta. E ta un fiesta musical, un encuentro cultural y hustamente di e vision di loke mester proyecta na Aruba den e añanan venidero”, Simon Gollo a expresa.

El a señala cu e Institucion aki ta na Aruba pa crece, avanza y laga otro referencia na nos isla, diferente na loke ta conoci, y aporta na e calidad di bida di mayoria di e hendenan. No den sentido economico, si cu e ofrecimento cu tur hende por bay un concierto y por nutri nan mes na nivel musical, y specialmente cu tur e artistanan cu ta presenta den e festival ta di nivel internacional.

“Ta hopi importante cu e reputacion aki a wordo construi na Aruba, y cu cada ken di nan ta bolbe nan pais y papia di Aruba na un manera extraordinario. Esaki ta algo cu ta yena mi cu orguyo y mi ta kere cu esey ta un di e razonnan cu Oficina di Turismo di Aruba, tabata tin e gentileza y vision di a premia mi cu e proyecto aki”, Simon Gollo a subraya.

Palabranan di gratitud el a expresa pa Aruba, pa su cariño y receptividad cu cual a habri su portanan pa un proyecto cu tin hopi di haci akinan.

El a expresa cu hopi entusiasmo riba e presentacion cu a tuma lugar na Free Winds, den cual a participa un quintet di hoben Mericano, yama Revolution Wind Quintet. Nan a presenta un programa sumamente bunita, den cual nan a mustra e polivalencia di instrumentnan manera flauta, corno, clarinet, trompet, cu reuni ta genera un color hopi particular.

Simon Gollo a señala cu no tabata tin un mihor lugar cu Free Winds pa presenta e Quintet aki. Den e di dos parti a presenta Luis Quintero, un di e guitaristanan Latinoamericano mas destaca, gradua na Julliard School of Music na New York.

 

 

 

- Advertisement -

DUNA COMENTARIO

Please enter your comment!
Please enter your name here