Home General United Farmers Aruba kier yega na un acuerdo cu Gobierno relaciona cu...

United Farmers Aruba kier yega na un acuerdo cu Gobierno relaciona cu e tema di awa

220
0
SHARE
- Advertisement -

Pa por planta di un calidad halto mester awa di calidad halto

ORANJESTAD (AAN):  E cunukeronan na Aruba tin un necesidad basta grandi pa loke ta abastecimento di awa. Aruba ta basta seco y esey ta un di e asuntonan cu for di basta tempo e cunukeronan kier wak con ta yega na un acuerdo cu WEB pa resolve e situacion ey.

Gregory Fung di United Farmers Aruba a indica cu na Februari esaki tabata un topico cu a papia cu minister. Nan a splica cu secura a dal duro y cu e damnan ta contamina.

A bisa cu tur e trabaonan cu nan ta sinta cu WEB y e ideanan cu e ROP map tabata hopi bon pasobra a trece ideanan cu nan no tabata sa.

UFA a propone pa agricultura cu si ta inverti na Camara di Comercio na Santa Rosa y tin un maneho pa e agricultor na Aruba, dicon no haci awa y coriente na un ‘cost price’. Esnan cu ta beneficia di dje ta comunidad henter, Fung a splica.

Si ta continua cu e proceso tradicional di huur hende pa core y busca truck, ta costa un capital y na fin di dia WEB tin e infrastructura caba.

Fung a bisa cu e ta representa 32 miembro di UFA, pero e topico di awa ta algo cu nan a cana un caminda di cruz. Pero mester yega na mesa y tur hende mester duna di nan parti pa por bay dilanti.

Pa por planta di un calidad halto mester awa di calidad halto. “Si bo ta bisa mi cu mi tin cu bay un dam, e ora bo mes ta bisa mi cu bo mes ta acepta kico cu ta cu ta crece”, a subraya.

Tecnologia no ta laga uza awa di dam y si kier algo bon mester cuminza inverti awe pa aki dos pa tres aña wak e frutanan, Fung a remarca.

Awa ta cardinal pero e asunto di coriente tambe. Tecnologia ta uza coriente. Pesey mester sinta na mesa y gobierno mester ta claro den kico nan kier, a agrega.

E parti di clarificacion di belasting tambe mester bin ariba mesa. E parti di WEB cu Elmar, Prome Minister Wever – Croes kier pa UFA sinta cu e directiva y conhuntamente wak con por yega na un acuerdo pronto.

- Advertisement -

DUNA COMENTARIO

Please enter your comment!
Please enter your name here