Home Gobierno Upcycle Center Serlimar a habri su porta pa comunidad di Aruba

Upcycle Center Serlimar a habri su porta pa comunidad di Aruba

173
0
SHARE
- Advertisement -

ORANJESTAD (AAN): Despues di un trayecto largo di un aña caminda diferente investigacionnan a tuma luga, cu hopi orguyo Serlimar a haci apertura oficial di nan Upcycle Center.

Prome Minister Evelyn Wever-Croes a corta cinta hunto cu Minister di Infrastructura y Medio Ambiente, Otmar Oduber, y Parlamentarionan Endy Croes, Alan Howell y Edgar Vrolijk.

Serlimar a logra structura e proyecto aki den un centro total cu lo ta dedica na procesonan creativo y educativo relaciona cu “upcycling” y “recycling” di diferente tipo di material.

Durante e anochi tabatin presentacion di un proyecto, na unda Serlimar a traha conhuntamente cu organisacionnan local entre otro: Fundacion Pa Nos Comunidad, ArteSano, Luna Foundation y Mondiero, cu tin experticio den cuadro di procesonan di reciclahe, pa asina cada un di e organisacion aki traha riba un of mas tipo di material cu e obhetiva pa re-uza, recicla y “upcycle”. E meta principal ta pa duna e materialnan cu ta wordo colecta den e centro un di dos bida pa nan por sigui wordo uza.

E materialnan cu lo wordo acepta den Upcycle Center Serlimar ta: plastic, aluminum, papel, carton, caha, paña, sapato, cos di hunga, buki, pallet y mueblenan bieu. E materialnan aki lo haya un otro bida y proposito despues cu nan caba di wordo recicla. Un di e prioridadnan di e Upcycle Center pa cu e materialnan aki ta cu nan mester ta limpi y den bon condicion conforme cu e reglanan stipula pa e centro aki.

E reglanan stipula a wordo implementa pa asina preveni cu lo bay ricibi materialnan kibra y sushi cu lo por atrae bestia den e centro y alabes cu no lo ta di e calidad pa wordo recicla. Tur material cu yega na Upcycle Center lo wordo controla prome cu wordo descarga pa e personal di e centro.

Upcycle Center Serlimar ta habri entre 9’or di mainta te cu 7’or di anochi di dialuna pa diabierna, y ariba diasabra di 9’or di mainta pa 1’or di merdia.

 

- Advertisement -

DUNA COMENTARIO

Please enter your comment!
Please enter your name here