ORANJESTAD (AAN)- Aruba Triathlon Association a organisa dia 30 di juni ultimo e di 33 Aruba Internacional Triathlon. A participa total 142 atleta di Aruba, Colombia, Merca, Curaçao, Spaña y Belgica a competi cu otro den landamento, ciclismo y coremento.
Esnan cu a competi den e distancia olympico mester a landa 1.5 km, después core 40 km riba bais, sigui door di core 10 km na pia. E distancia sprint tabata net mitar di e ditancia olympico.
E landadornan tawata guia y controla door di boluntario riba waverunner y boto di polis.
E evento aki a tuma lugar na Nikki Beach. E ruta di ciclismo tawata buelta entre Pricesmart y Cas di Gobernador. Pa loke ta e careda na pia, esaki a tuma lugar riba e trayecto di Linear Park.
Full e circuito di ciclismo tawata sera y controla pa polis, Motor Unit y boluntario.
E ganadornan di e distancia olympico masculino:
- David Guete Quintero di Colombia den 2:02:24
- Giannon Eights di Aruba den 2:08:06
- Romar Arendsz di Aruba den 2:10:33
- Mark Kleiweg di Aruba den 2:17:52
- Incoe Martinus di Aruba den 2:19:19
E ganadornan di e distancia olympico femenino:
- Amadee Nicolaas di Aruba den 2:33:312
- Patricia Nolf di Belgica den 2:39:01
- Janelle Vlaun di Aruba den 2:41:50
- Sandra Postma di Aruba den 2:53:13
- Denise Krosendijk di Aruba den 3:09:17
Distancia olympico team di relevo e resultado tawata: 1 lugar e team di Shaquille Vlaun/Ruson Gonzalez/Jose A. Maduro 2:05:13, di 2 lugar e team di Lucien Peterson/Anthony Wilson/Gezamir Geerman den 2:05:36 y na di 3 lugar e team di Nayeli Tromp/Akeem Kock/Joshwa Jansen den 2:09:33.
E ganadornan di e distancia sprint masculino:
- Gino Hodge di Aruba den 1:13:00
- Justin Morales di Aruba den 1:13:19
- Bryan Lopes di Aruba den 1:14:18
E ganadornan di e distancia sprint femenino:
- Ashley Matthews di USA den 1:21:42
- Stephany Wever di Aruba den 1:25:14
- Isa Ooms di Aruba den 1:29:356
Danki ta bay na tur e boluntarionan cu a lanta e diadomingo mainta ey bon trempan pa duna un man na e evento exitoso aki!!
