ORANJESTAD (AAN): Diario a haya informacion cu Hilton Aruba Caribbean Resort & Casino a haya Gerente General nobo.
Ayera e cadena Hilton a anuncia cu a apunta Vasco Baselli como GM di e hotel di 357 camber na Aruba.
Baselli a traha como gerente general di Hilton Lima Miraflores na Peru unda el a supervisa e operacion di e hotel di 200 camber y un personal di 200 persona.
Baselli ta di Alemania y ta un veterano trahando den e industria turistico pa mas di 30 aña unda el a cuminza su carera como cocinero na Inter Continental Hotel Dusserldorf na Alemania.
Su carera e scala y el a yega di traha den e mundo di hospitalidad na Alemania, Venezuela, Malasia y mas recientemente Ecuador y Peru.
DIARIO ta duna Mr. Baselli un bonbini na Aruba y ta desee hopi exito.
