Home General Women’s Club of Aruba a instala su directiva nobo

Women’s Club of Aruba a instala su directiva nobo

40
0
SHARE
- Advertisement -

ORANJESTAD (AAN) – Diadomingo mainta dia 23 di juni, Women’s Club of Aruba (WCA) a instala su directiva pa 2019 – 2020 na Alhambra Ballroom. E oficial di instalacion tabata ex-presidente Benita Esguerra, kende a haci un presentacion sublime, cu miembronan di comitiva, ex-presidente Bernadette Schouten y miembro Mary Droogh.

Tanto e preparacion pa eleccion di un directiva nobo como esun di e ceremonia di instalacion tabata na encargo di Nomination Committee consistiendo di Benita, Bernadette y Mary. Pa e aña aki e comision a scoge como tema di instalacion Spiel, e reflejo di cada miembro di directiva. Cada funcion den e directiva nobo ta asocia cu su reflejo y cada uno a recibi su spiel, pa cada un cu “liderazgo” pa por eherce su funcion cu gracia y elegancia.

E directiva nobo di WCA pa e aña fiscal 2019 – 2020 ta manera ta sigui:

Milagros Posner (presidente), Omaira Silva (vice-presidente), Reina Geerman (tesorero), Norma Brinkenberg (secretaria) Ruby Narain (secretaria di corespondencia), Lilian Martis (Program Chairman), Angele Geerman (Welfare Chairman), Mily Henriquez, Ursly Silberie y Sandra Parra-Vega ta miembronan di WCA cu ta bay ocupa e funcion di  Members at Large y Benita Esguerra (Immediate Past President).

Women’s Club of Aruba y club ta sigui padilanti cu su lema: ‘NOT WHAT WE GIVE, BUT WHAT WE SHARE’.

Presente tambe na e ocasion aki tabata representantenan di various service clubs di Aruba, Quota International Aruba presidente Ivy Simons y vice-presidente Farida Feliciana, Kiwanis Club of Aruba presidente Edalitza Weller, Aruba Lions Club vice-presidente Bibi Arends y sra. Suzanne Arends y Rotary Club of Aruba su prome presidente femenino sra. America Barrio y su casa sr. Jayesh Daryanani. Tambe various amigo y famia di e miembronan di WCA a asisti na e evento aki.

E gran sorpresa pa e evento aki tabata ora e gran musico Etty Toppenberg a bin deleita tur presente cu su dushi musica pa tur presente baila.

Fotos: Emperatriz Perdomo

- Advertisement -

DUNA COMENTARIO

Please enter your comment!
Please enter your name here