Home General Xander Bogaerts a disfraza pa sorprende fanaticonan di Red Sox na Aruba

Xander Bogaerts a disfraza pa sorprende fanaticonan di Red Sox na Aruba

155
0
SHARE
- Advertisement -

ORANJESTAD (AAN): Recientemente e shortstop Arubiano di Boston Red Sox Xander Bogaerts a sorprende un grupo di fanatico di Boston aki na Aruba.

Un trip di bus a wordo organiza pa su ruman homber Jair Bogaerts, cu e intencion entre otro di mustra e fanaticonan unda Xander a lanta, unda el a hunga bala y kendenan a yude cu esaki.

Den e bus Jair tabata hasi preguntanan na e fanaticonan pa wak cuanto nan tabata sa di Xander.

Tur esaki mientras cu Xander mes tabata den e bus, disfraza como un primo rasta.

Ora cu e bus a stop na e veld di baseball na Lago Heights unda cu Xander tabata hunga como mucha, despues cu e y Jair a bati algun bala, e supuesto primo a revela su mes di ta Xander.

E turistanan no por a kere nan wowonan y a grita y aplaudi di entusiasmo y alegria, pa wak e Arubiano cu a yuda nan equipo gana dos titulo di World Series.

Den e grabacion riba YouTube bo ta tende tambe con un di e fanaticonan ta bisa Xander: “Danki pa yuda nos gana dos World Series”.

E shortstop di Red Sox despues a tuma tempo pa combersa cu e fanaticonan y saca varios potret cu nan, mientras cu el a firma tambe nan camisa di Red Sox

- Advertisement -

DUNA COMENTARIO

Please enter your comment!
Please enter your name here