Home Hudicial A apela contra castigo di 7 aña di prison pa acusado cu...

A apela contra castigo di 7 aña di prison pa acusado cu a bati mata su swa

411
0
SHARE
- Advertisement -

Abogado mr. S.Kock no ta di acuerdo cu e castigo

ORANJESTAD (AAN): Luna pasa Hues di Corte den Promer Instancia a subi e exigencia di Fiscal di 5 aña na 7 aña di prison pa e homber Eric Maduro, kende a wordo haya culpable di a bati su swa Tromp cu consecuencia cu su siguiente dia a haya Tromp morto drumi riba cama. Abogado mr. S.Kock ta haya cu Maduro no a mata Tromp.

Dia di e sentencia 12 Juli 2019, Hues a bisa cu e ta haya legalmente proba cu Maduro, diferente biaha a dal e victima Tromp cu mokete na cabez y a pone rudia riba su curpa, cu consecuencia cu el a muri. Hues a reacciona riba e ponencia di Maduro cu tabatin un pelea entre Maduro y Tromp y segun Maduro, Tromp no a sufri lesion.

Hues a mustra cu patologo a constata cu Tromp a fayece y cu investigacion ta mustra cu e pelea no a sosode 25 November 2018 manera Maduro ta bisa sino 26 di November 2018.

Hues a bisa cu Maduro a maltrata su swa di tal manera cu el a kibra 5 ripchi di Tromp y hunto cu e otro slanan a causa su morto. Hues ta haya Maduro culpable di a kita bida di Tromp.

HUES A SUBI CASTIGO

Hues a bisa cu e ta tuma Maduro na malo cu Maduro a presiona su ruman muher cu ta casa cu e victima, pa no bisa nada di e pelea. Tambe Hues a mustra cu Maduro no a duna claridad di e caso. Esaki ta mustra cu Maduro ta worry cu su mes y no e victima.

Tur esaki ta haci cu Hues ta haya cu e exigencia di Fiscal di 5 aña di prison no ta suficiente. Hues a subi e castigo na 7 aña di prison, kitando e tempo cu Maduro ta sera den KIA.

ABOGADO TA APELA

DIARIO a haya confirmacion di abogado mr. S.Kock cu el a apela e sentencia. Esey ta nifica cu e caso aki lo bay Corte Superior y posiblemente e aña aki ainda sino otro aña, Hof di Corte Superior lo trata e caso aki di nobo y DIARIO lo informa lectornan di tur loke ta sosode den sala di Corte di Husticia di Aruba.

 

- Advertisement -

DUNA COMENTARIO

Please enter your comment!
Please enter your name here