Home Hudicial A detene grupo grandi di turista Mericano cu dollar y credit cards...

A detene grupo grandi di turista Mericano cu dollar y credit cards falso

1436
0
SHARE
- Advertisement -

ORANJESTAD (AAN) – Aruba ta sigui ta bira victima di stranheronan cu ta bin cu credit cards falso y placa falso. Asina por a compronde durante tratamento di e caso penal cu Ministerio Publico a cuminsa contra dos Americano homber kendenan a uza credit cards falso y un rijbewijs falso. Hues a confirma e castigo exigi pa Fiscal y a condena un di e hombernan na 2 luna y e otro na 4 luna di prison. 

CREDIT CARD FALSO

Fiscal a acusa e hombernan K.B. y M.H. cu entre 29 April 2019 – 2 Mei 2019 a uza credit cards falso y tambe un rijbewijs falso.

Ta asina cu e duo aki, cu porcierto ta un pareha casa, ya a laga nan liber y nan a bolbe Merca.    Nan abogado mr. Yarzagaray si tabata presente.

Fiscal a bisa Hues cu e ta haya legalmente proba cu e pareha aki a uza credit cards falso y un rijbewijs falso. Investigacion cu miembronan di Recherche a haci a resulta cu a confisca 4 credit card falso y un rijbewijs falso. 

MAS TURISTA DETENI

Fiscal a bisa Hues cu den e periodo ey miembronan di Recherche a detene un cantidad di turista di Merca, kendenan tabatin credit cards y tambe dollars falso.

Den e caso contra K.B. y M.H., Fiscal a exigi 2 luna di prison pa K.B. y 4 luna di prison pa M.H.

Abogado mr. Yarzagaray a bisa Hues cu e otro Americanonan tabata deteni pa dollar falso. Door cu su clientenan ta casa y biba cu otro na Washington y uza credit card falso, Hues Comisario a laga nan liber, pasobra e ta haya e asunto di dollar falso hopi mas serio.

Hues a sera tratamento di e caso y a dicta sentencia di biaha. Hues a bisa cu e ta haya K.B. y M.H. culpable y cu e ta haya e castigo exigi pa Fiscal na su lugar. Hues a condena K.B. na 2 luna di prison y M.H. na 4 luna di prison.

 

- Advertisement -

DUNA COMENTARIO

Please enter your comment!
Please enter your name here