Home Gobierno A firma beheerovereenkomst entre Pais Aruba y Fundacion Parke Arikok pa prome...

A firma beheerovereenkomst entre Pais Aruba y Fundacion Parke Arikok pa prome biaha

123
0
SHARE
- Advertisement -

Minister Otmar Oduber:

ORANJESTAD  (AAN):  Dialuna Minister di Desaroyo Teritorial, Infrastructura y Medio Ambiente Otmar Oduber a reuni cu Parke Nacional Arikok, caminda cu pa prome bes Pais Aruba a firma beheersovereenkomst cu Parke  Nacional Arikok.

Esaki ta crea apertura pa un relacion nobo entre Gobierno y Parke fortificando e relacion di trabou cu ta encera operacion di parke, proteccion di e areanan y pronto Parke Marino Aruba y 16 areanan protegi.

E beheerovereenkomst ta significa cu ta pone den un documento e responsabilidadnan cu di parti Gobierno ta spera cu ta wordo cumpli cu ne, pero Parke tambe den e documento aki sa y tin e espacio necesario  pa por maniobra y maneha esaki conforme normanan di Gobierno.

Na un forma cu ta conforme tambe cu “Good Corporate Governance” cu kier pa tin den cada departmento gubernamental pero sigur tambe den fundacionnan cu Gobierno tin relacion di trabou cu nan, Minister Oduber a enfatisa.

Minister Oduber a sigui splica cu, cu e firmamento aki ta crea oportunidad di entre otro plannan cu lo mester tuma luga den futuro, un relacion mas estrecho pa loke ta e ‘database’ y estadisticanan di trabounan eherci pa Parke (mayoria bes a traves di DNM, como e departamento di Gobierno cu ta atende cu medio ambiente).

Otro siman lo bay tin un otro momento sumamente bunita pa Parke a traves di un tereno adicional, cu nan lo adkiri. Terenonan cu tabata  den mannan priva, sinembargo conforme e statuut nobo cu tin aworaki, Parke lo adkiri esakinan pa por maneha esakinan pa Gobierno.  Asina lo logra pa tin mas control pa loke ta e maneho cu nan ta eherce.

Di e forma aki pa mas aun logra e meta  di preserva un area adicional di tanto importancia. Finalisando Minister Oduber a felicita e directiva cu a traha hopi duro durante di e ultimo lunanan riba e documento aki.

Pronto no lo papia mas di Parke como un organisacion subsidia pa Gobierno, sino di un dienstverleningsovereenkomst cu lo wordo cera.

- Advertisement -

DUNA COMENTARIO

Please enter your comment!
Please enter your name here