Home General A nota con awacero pisa no a crea problema den area di...

A nota con awacero pisa no a crea problema den area di rotonde di Cumana

136
0
SHARE
- Advertisement -

ORANJESTAD (AAN): E ola tropical cu a pasa Diamars cerca di Aruba y percura pa un bon yobida, a pone autoridad local constata cu adaptacion haci na Cumana pa mehoracion di fluho di awa a funciona.

Na varios ocasion comunidad a mira e desaster cu ta tuma luga na Cumana na momento cu tin awacero. Pa cual diamars esaki tabata e caso, pero sin e consecuencianan negativo.

Ora di yobida, durante dia DOW a percura pa evaluacion tuma luga na e rotonde di Cumana y diferente otro punto cu den pasado a crea problema na momento di yobida, pa cual ta satisfecho cu e trabao.

Adaptacionnan grandi a worde haci conhuntamente cu e contratista ehecutando e trabao, despues cu mester a cera e rotonde fin di 2018 pa motibo di gran cantidad di awa cu a keda para na elugar. Calculacion a worde haci e fluho di awa den e area pa cual por mira awe resultado di e esfuersonan aki. Segun DOW, por a mira cu e sistema di drenahe a traha manera cu a spera cu e lo traha.

Na Tanki Leendert a constata cu awa ta para, sinembargo trabaonan no ta cla eynan ainda pa cual director di DOW a splica cu lo sinta cu e contratista Mota-Engil, pa e adaptacionnan debido tuma luga pa e sistema di drenahe tuma luga debidamente.

Mescos ta conta pa e situacion den vecindario di Sun Plaza pa cual e sistema di drenahe no ta cla ainda.

Pero DOW ta garantisa cu ora cu e trabaonan ta cla, tur e sistemanan lo funciona debidamente. Aworaki e punto di enfoke ta ‘Ringweg 3’, pero DOW tin otro lugarnan rond Aruba cu por tin problema cu awa identifica. Di e forma aki ora cu ta temporada di yobida/horcan por mobilisa. Lo traha riba e lugarnan aki tambe segun planificacion y fondo di DOW.

- Advertisement -

DUNA COMENTARIO

Please enter your comment!
Please enter your name here