Home Policial Accident di cadena riba caminda di Shaba

Accident di cadena riba caminda di Shaba

149
0
SHARE
- Advertisement -

ORANJESTAD (AAN): Trafico ta hopi pega e dianan aki.  Tin biaha diripiente e autonan bo dilanti ta cuminza move bek, pero bo mester ta cauteloso.  Como cu diripiente e fluho di auto ta brake atrobe.  Y si bo no paga tino, bo ta bay dal den esun bo dilanti.

Diaranzon mainta un accident di cadena a socede riba caminda di Noord pa Playa, na altura di Shaba.

Chauffeur di un Toyota Corolla blanco no a ripara na tempo cu un KIA su dilanti a brake, y a bay dal tras di dje.  Su tras tabatin un Toyota Yaris color blanco cu si a ripara cu e Toyota Corolla a para, y el a brake como debe ser.

Pa su malasuerte, un otro Toyota Yaris color blauw no a ripara na tempo, y a bay dal fuerte su tras.

Pues en total cuatro auto ta envolvi.  E Toyota Corolla blanco a ricibi basta daño material.

Polis como tambe Roadservice a presenta pa asina atende e desgracia. Pa colmo debi na esaki, tanto trafico cu ta bayendo Playa, y trafico bayendo Noord a stagna pisa e ora ey na Shaba.

Polis a confisca e Toyota Yaris color blauw, como cu e no tabatin ningun documento.

- Advertisement -

DUNA COMENTARIO

Please enter your comment!
Please enter your name here