Home Tempo Alerta pa lama bruto y pa esnan cu boto chikito

Alerta pa lama bruto y pa esnan cu boto chikito

24
0
SHARE
- Advertisement -

ORANJESTAD (AAN): Un alerta ta bay awe pa tur esnan cu tin boto chikito.  Esaki ta bin debi cu biento ta duro, y asina lama ta localmente bruto.

E alerta aki ta valido di Diabierna merdia 12:00 pm, y ta sigui te Diamars mainta 6:00 am.

Pues henter weekend e lo ta asina!

E areanan afecta ta henter Aruba, y e parti maritimo principalmente costa pariba te noordwest.

Segun Departamento Meteorologico di Aruba, diferencianan di presion den area di Caribe lo aumenta den weekend. E lo trece un aumento di biento cu lo supla un poco mas duro cu normal, esta entre 22 pa 27 nudo, cu rafaganan cu por yega di 35 te 40 nudo.

Lama na su turno tambe lo bira poco bruto na cierto lugarnan cu normalmente sa ta trankil.  Riba lama habri, olanan por ta entre 5 te 9 pia.

Lama bruto y olanan halto lo baha gradualmente durante comienzo di otro siman.  Esnan cu ta bay lama y doñonan di boto chikito ta wordo avisa pa tene cautela principalmente cerca di e area di costanan y lama habri.

 

- Advertisement -

DUNA COMENTARIO

Please enter your comment!
Please enter your name here