Home Policial Alto Comisario Andrew Hoo cu su banda di medaya riba publicacion di...

Alto Comisario Andrew Hoo cu su banda di medaya riba publicacion di un medio

504
0
SHARE
- Advertisement -

Unda integridad di KPA ta wordo cuestiona:

ORANJESTAD (AAN):  Alto Comisario di Polis, sr. Andrew Hoo, a duna su reaccion den un entrevista cu DIARIO, tocante un publicacion den otro medio di prensa, unda e ta wordo fuertemente cuestiona. Esaki relaciona cu un accidente ocasiona pa e Cabesante di Scol di Polis, ken segun e articulo ta indica, no a sigui e proceso reglamentario.

Alto Comisario Hoo a splica cu ora tin un choke cu un auto dienst di polis, dependiendo si tin herido tin cu yama ambulance y polis.

Den e caso specifico na cual e publicacion ta referi, sr. Hoo ta indica cu esaki a sosode algun luna pasa, unda den un maniobra un di e leidernan di KPA a dal den un palo di mata.

E funcionario no tabata core na velocidad halto, no tabata tin hende herida, y e auto no a haya hopi daño. E rapport a wordo traha. Hoo a comenta cu podise unico cos cu e persona no a haci ta yama polis di trafico. Pero esaki tampoco tabata necesario pasobra ningun hende mas tabata envolvi.

Ta na momento cu e funcionario a bira e auto el a touch cu e troncon. No tabata tin bebemento di alcohol tampoco.

Alto Comisario a declara cu den e caso aki el a pidi Buro Interne Dienst pa haci un onderzoek interno locual a tuma lugar y den esaki no a sali nada cu duna indicacion cu algo fout a tuma lugar. Y tampoco tabata tin otro partido envolvi.

Locual Alto Comisario Hoo a remarca ta cu den e publicacion a cuestiona integridad. E ta puntra si nan mes ta wak den spiel, of esun cu ta saca informacion cu otro meta. El a ripara cu a saca algo cu el a firma pa e reparacion di e auto dienst wordo haci, loke ta logico. Hoo a señala cu e tin cu firma e ordo pa e auto wordo drecha. Esaki a sosode despues cu el a haya e rapport y a constata cu tur cos ta cuadra pa esaki sigui su caminda. El a acentua cu tin transparencia, e documentonan tey, y prueba cu e procedure a wordo sigui. Esun cu a leak e papel haciendo maluso di dje, mester cuestiona su mesun integridad.

Si un hende ta pidi pa wak un papel e por hacie, pero si ta hacie cu e meta di lanta stof of pone un nubia scur riba integridad di otro hende e persona ey mester wak su mes den spiel, kico e ta bezig cune.

Alto Comisario ta sugeri pa bin puntra e persona mes y si tin algo cu no ta di acuerdo cune, porta di su oficina ta habri semper y cuando nan bin puntre si e tabata na haltura, kico ta bay haci cu e asunto, pero si ta bay directamente na media y divulga algo cu no ta cuadra.

Tocante e pregunta pakico e dienst mester paga e gastonan y no e persona mes y pakico no a claim e seguro, sr. Hoo a indica cu resultado di investigacion a mustra cu esey no tabata necesario. El a señala cu su ta bay cobra tur polis cu causa accidente na pia di trabao, ningun polis lo tabata tin entrada awo pasobra nan salario lo no a yega pa paga tur e gastonan ey. Cosnan asina no por evita ora polis ta eherce su trabao pasobra pesey tin seguro y manera pa atende cu e proceso.

- Advertisement -

DUNA COMENTARIO

Please enter your comment!
Please enter your name here