ORANJESTAD (AAN) – Durante lunanan di vakantie Aruba Bank tabata tin su campaña di ‘Win a trip to Tuscany for two’ pa su clientenan afluente y e ganador di e “Priceless Experience” aki ta conoci.
Clientenan di Aruba Bank cu tin e tarheta Aruba Bank Black Mastercard Debit cu Maestro a participa pa gana un trip pa Tuscany ora cu nan haci uzo di nan tarheta.
E tarheta nobo cu awor tin e opcion pa haci pago online y tambe ta wordo acepta mundialmente na unda cu tin e logo di Mastercard, Maestro of Cirrus. E tarheta aki a bira e tarheta ideal pa compaña e cliente di Aruba Bank durante cualkier biahe.
Annemarie Jansen cu a bira e ganador di e campaña y awor e ta bay Tuscany, un region na Italia cu ta conoci pa su arte y arkitectura estilo Renaissance. E ganadora y su invitado lo bay disfruta di un Experiencia Superior den e centro di Italia.
