Home General Aruba a perde proyecto pero a keda cu caso criminal

Aruba a perde proyecto pero a keda cu caso criminal

91
0
SHARE
- Advertisement -

Benta di Citgo lo no pone fin na investigacion compania

*Gobierno mester drecha imagen di Aruba enfrente inversionista

*Asdrubal Chavez no a reconoce cu Citgo a faya cu Aruba 

ORANJESTAD(AAN)– Aruba a perde un proyecto y mester busca otro compania cu ta interesa den e facilidadnan cu a sirbi como centro di operacion di Lago,  Wyatt, Coastal y Valero pero nunca a logra habri porta como Citgo. Aruba mester prepara su mes pa investigacionnan cu ta andando na hopi pais y sigur na Merca, cu a dagvaard Citgo pa casonan criminal.

Un siman prome cu e compania minero Canades, Crystallex, a triunfa den Corte caminda el a busca husticia for di 2017, Aruba a ricibi notificacion di Ministro Presidente Wever-Croes cu lo trata di deshaci di e proyecto cu Citgo.

Informantenan di DIARIO cu a percura pa e desaroyonan cu a culmina na 2019 no tabata un sorpresa pa pueblo di Aruba cu a spera un crecemento economico di 15 porciento na 2018, ta bolbe adverti cu ainda Aruba ta parti di algo sumamente negativo.

“Nomber di Aruba a wordo conecta na un proyecto cu for di prome momento tabata dudoso.  E proyecto Citgo tabata mal propaganda pa e nivel di gobernacion di Aruba cu inversionistanan ta busca. Gobierno di Aruba awor mester busca un forma pa splica inversionistanan cu e contracto cu a firma cu Citgo na 2016, no ta norma pa Aruba,” a wordo treci dilanti.

E informantenan a mustra cu ta na Januari 2019 e representante di Citgo, Asdrubal Chavez, a bini Aruba pa splica cu e pais no mester a mira futuro den Citgo. Chavez no a reconoce cu ta Citgo a faya cu Aruba pero a laga e caminda habri pa Aruba haya su mes den problema si e para e proyecto.

“Pa inversionistanan loke a pasa na Aruba ta prueba cu e gobierno cu a firma e contracto, no tabata tin e capacidad pa a mira cu e ta acepta un situacion di halto riesgo. E decision pa e proyecto Citgo bay Aruba, no ta papia di un nivel halto di gobernacion,” a wordo splica.

Den e circulonan di inversionistanan, e loke a pasa cu Citgo ta importante. E loke a pasa ta indica cu Aruba no tin hende suficiente prepara pa atende cu inversionista.

E suceso ta atrae inversionista robes pero ta haci cu inversionista serio ta actua cauteloso.

Hopi importante ta, cu Aruba a keda cu e realidad cu autoridad Mericano a dagvaard Citgo den investigacionnan criminal.

“No ta Merca so ta investiga Citgo y PDVSA pa crimen pero cantidad di pais. Placa lo a bini Aruba segun informacion. E conexion Aruba y Citgo ta keda registra den investigacionnan internacional di labamento di placa y di droga,” a wordo bisa na DIARIO.

Algun luna pasa tabata papia hopi di incertidumbre pa futuro. Informacionnan a mustra cu awor Gobierno di Aruba mester tuma pasonan necesario pa hunto cu expertonan di Aruba demostra na mundo cu e loke  a pasa cu Aruba no ta presenta e cara berdadero di e pais.

DIARIO ta sigui busca informacion riba tur tereno mientras importante ta keda con gobierno actual ta saca Aruba for di Citgo y e acuerdo cu gobierno anterior a alcansa cu regimen Nicolas Maduro.

- Advertisement -

DUNA COMENTARIO

Please enter your comment!
Please enter your name here