Home General Aruba a vota contra insiguridad cu kibra libertad di e Arubiano

Aruba a vota contra insiguridad cu kibra libertad di e Arubiano

150
0
SHARE
- Advertisement -

Analisis

Uno di e motibonan grandi di e resultado di eleccion 2017, tabata e sentido di falta di siguridad personal y nacional cu e Arubiano tabata sinti.

Sumanan enorme di pueblo a wordo gasta den cantidad di proyectonan mientras e asuntonan mas importante mes a keda atras.

Na 2017 un pueblo angustia a bisa cu ta basta y a vota pa un gobernacion nobo.

Pa loke ta trata Parlamento, pueblo a dicidi cu e kier coalicion ya cu el a sinti su mes perhudica dor di e mayoria absoluto cu mientras gobierno anterior tabata hiba Aruba na un abismo financiero y economico, tabata sigui respalda e gobierno anterior.

Dos aña por a pasa, pero pueblo di Aruba no por lubida e angustia enorme cu e tabata sinti mientras barco tras di barco tabata yega su costanan pasobra no tabata tin control debido di entrada di Aruba.

Pueblo no a lubida cu gobierno anterior den su planificacion a deshaci di siguridad nacional y personal di Aruba y e Arubiano, cu a sinti su mes preso den su mes cas.

Mester a atende cu resultadonan di un mal maneho di husticia, cu no a refleha e desaroyonan mundial cu aumento barbaro di criminalidad y sabiduria di criminalnan.

E disponibilidad di arma a crece mescos cu e tecnologia nobo cu a drenta mundo pero sigur mundo criminal.

For di momento cu gobierno anterior a sinta pa parti placa di pueblo cu proyectonan cu awe ta den man di husticia pa no papia mes di e inversionnan grandi cu a haci pa trece Citgo cu tabata neishi di criminalidad, e mester a ripara e grado di criminalidad cu tabata asota Aruba.

Gobierno anterior mes a haci Aruba mas peligroso cu personanan liga na regimen Nicolas Maduro cu a haya oportunidad di drenta e pais, mientras na Venezuela arma tabata wordo parti riba caya.

Na 2915 Minister Presidente Mike Eman a admiti cu e no tabata sa mucho di refugiado segun su palabranan na e comision di Nacionnan Uni cu a bishita Aruba. Esaki ta implica, cu tabata hinca Nicolas Maduro aden, pero no tabata prepara pa e fluho di personanan cu lo a yega Aruba no solamente como refugiado.

Aruba no a lubida con constantemente barco cu droga y arma tabata yega su costa.

Aruba no a wordo prepara dor di gobierno anterior, cu awe ta sinti falta di e posicion facil cu e tabata biba aden cu a laga Aruba sin placa.

Na 2017 pueblo a papia un idioma cla ora el a manda gobierno Mike Eman cas y asina a cera porta pa su destruccion.

Awe tin criminalidad. Tur hende mester admiti. Pero ta obvio cu e vision nobo a adapta Aruba na tempo moderno, cu gobernantenan no a limita na loke tabata cumbini nan manera a pasa den tempo di gobierno Mike Eman.

Aruba ta en espera di e plannan di Ministro di Husticia pa reforsa prizon. Pero Aruba no ta lubida cu na 2017 ta e mal maneho riba tereno di husticia tambe a ocasiona cu e sentido di siguridad a muri cerca pueblo di Aruba cu a vota pa e no keda preso na su mes pais.

Na 2017 Aruba vota pa pone un fin na criminalidad riba tur nivel. Pasobra entre 2010 y 2017 ta un crimen a wordo cometi cu Aruba dor di gobierno anterior cu tabata tin un vision: hunga rey di Aruba cu el a destrui!

 

- Advertisement -

DUNA COMENTARIO

Please enter your comment!
Please enter your name here