Home Salud Aruba ta bay haya un lugar cu pashentnan ta sinti confortable pa...

Aruba ta bay haya un lugar cu pashentnan ta sinti confortable pa bishita

51
0
SHARE
- Advertisement -

Dr. Laura Kozloski:

ORANJESTAD(AAN): Dr. Laura Kozloski, vice presidente di proyectonan internacional pa Baptist Health International tabata na Aruba, como parti di un delegacion cu a bin wak e progreso den e proyecto di renovacion y expansion di ImSan.

Dialuna durante un conferencia di prensa el a bisa cu e ta contento di wak e bon progreso di e proyecto, cu lo brinda dos servicio importante pa Aruba.

“E proyecto aki ta nifica cu e pashentnan na Aruba cu tin mester di radiacion y oncologia, como tambe algun servicio agudo pa problema di wowo, lo no tin cu bandona Aruba mas y ta bay por haya e cuido cu nan tin mester di dje, for di docternan cu nan por wak tur dia”.

Esaki segun Dr. Kozloski, kende a splica cu Baptist International na Merca tin 11 hospital cu un total di casi 24.000 empleado cu ta ansioso pa yuda Aruba for di nan propio perspectiva, pa asina duna algun tip y guia pa cosnan cu ImSan lo por scoge pa uza.

“E sosten cu den e 12 añanan cu nos ta partner cu ImSan nos a haya for di comunidad di Aruba cu ta inclui entre otro AZV, Minister di Salubridad, diferente specialista y docter, ta hopi bon”.

“Nan a duna bon informacion y esey ta esencial pasobra ta hopi importante pa haya informacion for di e pashentnan, como tambe for di e docternan”.

“Asina Aruba lo haya un lugar cu pashent y posibel pashentnan ta sinti confortable pa bishita y no un lugar cu bo ta preocupa pa bishita”, segun Dr. Kozloski.

“Nos filosofia ta pa yuda comparti nos conocimento y experiencia y nos errornan, pa asina esakinan no sosode otro caminda”.

“Asina nos ta yuda mehora e cuido di salud, for di e experiencianan cu nos tabata tin, segun Dr. Kozloski.

- Advertisement -

DUNA COMENTARIO

Please enter your comment!
Please enter your name here