Home General Aruba ta colga den turbulencia financiero mundial

Aruba ta colga den turbulencia financiero mundial

263
0
SHARE
- Advertisement -

Exclusivo

Prestamonan di Nicolas Maduro na 2016 ta rementa 

  • Guaidó den problema serio pa rescata Citgo na tempo
  • Prestamo 2020 a causa kiebro Maduro y gerencia Citgo 

ORANJESTAD(AAN)– Bista di mundo ta fiha riba Citgo, cu e siman aki mester duna indicacion si e ta logra refinancia e debe cu e tin cu e grupo di financiadonan di e prestamo 2020. Balor di e prestamo riba mercado financiero internacional a cay atrobe mientras e refinanciamento cu grupo Guaidó mester a firma siman pasa, no a wordo concretisa.

Aruba tambe ta colga den un turbulencia financiero mundial mientras e situacion na Venezuela ta empeora y mundo kier contesta riba cantidad di iregularidad cu tabata tin den Citgo. Sigur mester bira conoci pakico e financiamento cu Maduro a logra na 2020 tabata contra boluntad di e gerencia bieu di Citgo cu segun Maduro a trata di yega na prestamo cu otro compania na 2020. Despues cu Martinez a muri, resto di e miembronan di gerencia di Citgo a keda den prizon di Venezuela.

Tres grupo financiero internacional sigur ta sigui e desaroyonan na Venezuela cada seconde hunto cu resto di mundo financiero.

Aruba tambe tin tur motibo pa sigui loke ta pasa pasobra Aruba ta trata di negocia salida di Citgo na e momentonan aki for di Aruba. Mescos cu tur loke ta rondona Citgo, Aruba tambe no tin ningun indicacion kico e aventura di Citgo lo tin como resultado pa Aruba.

Ashmore por duna tur informacion riba loke ta suspenso comercial debi na e situacion cu a surgi rond di Citgo.

Ashmore ta uno di e companianan cu a participa den e areglo financiero cu Nicolas Maduro, conoci como e Bonds di 2020 pasobra na 2020 e prestamo lo mester a caduca, pues keda completamente paga mescos cu e interes.

Ashmore, un compania Britanico, ta e grupo cu participacion mayoritario den e prestamo cu Nicolas Maduro a cera pa asina por a cubri falta di placa den PDVSA, uzando Citgo como borg.

Hunto cu Ashmore tin cantidad di companianan financiero Mericano, di cual Black Rock y T Row Price ta ocupa e puestonan di mas participacion.

Si pais Venezuela no por honra e pago di e debe y interes manera Nicolas Maduro a acorda cu e financiadonan na 2016, un situacion financiero sumamente importante ta presenta su mes na mundo pasobra lo mester bende mas cu mita, pues mayoria di accionnan di Citgo.

Esaki sinembargo lo no ta e unico problema, aunke e lo tin resultado directo pa Venezuela y e situacion politico actual.

For di momento cu incertidumbre riba destino di Venezuela a cuminsa, e balor di e prestamo riba mercado di balor (financiero) a baha considerablemente. Esaki ta nifica cu e prijs na cual por bende participacion of compra di e debe, tambe a baha hunto cu e interes di companianan financiado.

Esaki debi na e hecho cu e destino di Venezuela ta depende di un cantidad di factor cu no por mira dilanti.

Banda di e situacion aki ta keda e hecho cu na momento cu Venezuela a haci e prestamo na 2016, el a duna e compania Ruso tambe 49.9 porciento di Citgo loke.

E prestamo y e borg duna na Rusia tabata motibo pa cual e compania minero Canades, Crystallex, a bay Corte y a exigi Corte na Merca aña pasa pa duna un veredicto den e caso cu el a cuminsa.

E situacion actual di Citgo ta empeora. Den prizon na Venezuela tin e ehecutivonan di Citgo cu a wordo deteni hunto cu ex Presidente di Citgo Martinez. Mientras Martinez, Pereira y otro grandinan di Citgo na Merca ta wordo acusa oficialmente di corupcion y hasta relacion cu mundo di droga den un caso di un ex trahado di Citgo, e ehecutivonan di Citgo ainda ta den prizon na Venezuela.

Nicolas Maduro ta acusa nan di kier a cera un convenio cu otro grupo di financiado na 2016.

Ta sali dilanti cu Aruba a dicidi na un momento completamente robes pa bay cera un convenio cu Citgo.

Na e momentonan aki pues Aruba ta parti di un turbulencia financiero mundial pasobra no tin ningun siguransa cu Venezuela por paga e debe 2020 mientras Rusia no ta bisa kico e lo haci den e situacion actual di Citgo.

 

- Advertisement -

DUNA COMENTARIO

Please enter your comment!
Please enter your name here