Home Deporte Atletanan di Functional Fitness Federation Aruba F3 pa di dos biaha ta...

Atletanan di Functional Fitness Federation Aruba F3 pa di dos biaha ta bay competi na un campeonato mundial

58
0
SHARE
- Advertisement -

ORANJESTAD (AAN) – Esaki lo ta  e dos biaha cu atletanan di Functional Fitness Federation Aruba ta biaha pa representa Aruba den mundial. Prome biaha nan a bay Inglatera 2018.

E biaha aki lo bay na Sweden cu 4 atleta y dos coach, e atletanan ta e conoci Veronique Atenas cu a caba di gana e prome lugar na Colombia den Master, hunto cu ne den damas lo bay representa Aruba un atleta cu no ta desconoci y cu ta biba na Hulanda y ta un coach di Crossfit na Hulanda esey ta Kira Bisslik.

F3 ta:  “Functional Fitness Federacion Aruba” un fundacion practicamente  nobo cu ya caba a representa Aruba den varios ocasion den competencianan den exterior. Den masculino nos tin e prome atleta Lionel  Koolman tambe un atleta consagra den crossfit,  acompaña pa  Myron Speyer e promesa den Crossfit pa Aruba un hoben di 19 aña cu un futuro prometedor den deporte. E competencia lo ta en ekipo y nos lo busca e manera pa prepara atletanan pa den futuro por participa individual.

E coachnan ta William Erasmus y Ronald Speyer. William Erasmus cu ta e Presidente di e Federacion y  a wordo invita pa e prome congreso y pa forma parte di e panel den e Congreso Mundial. Aruba como un isla chikito a inscribi na di 9 luga y esey ta duna Aruba un puesto privilegia y lo ta un bon ehemplo di dedicacion y amor pa deporte.

Pa e aña aki e federacion a bin cu un plan structural unda e seleccion cu e preseleccion forma pa atletanan di tur gym di crossfit mane Eximious Crossfit, Gradum Crossfit y Muscles and Lungs Crossfit ta bin hunto train tur diadomingo cu e intencion di representa Aruba den exterior e idea ta pa pusha e nivel di atletanan competitivo na Aruba

E intencion ta di logra clasifica pa participa na un nivel mas alto den e competencianan venidero cu ta e regionalnan den e paisnan den region y logra un bon resultado y asina nos lo por sa con nos ta para dilanti di un competencia mas grandi,  e plan ta grandi pa cu e Federacion y pa cu e atletanan cu ta train cu mente competitivo pa nan por logra nan soño y nan lo por participa den competencianan grandi afo y ocupa puestonan halto.

E atletanan cu ta representando Aruba den e mundial aki  nan ta train hopi duro y por spera di haya un bon resultado na Sweden.

- Advertisement -

DUNA COMENTARIO

Please enter your comment!
Please enter your name here