Home Policial Autoridad a detene fugitivo Gerson Martina

Autoridad a detene fugitivo Gerson Martina

589
0
SHARE
- Advertisement -

ORANJESTAD (AAN): Diahuebs mainta, e informacion a circula cu autoridad a logra pone man riba e preso Gerson Galsirio Martina, kende Diadomingo 4 di Augustus a huy for di KIA.

Na prome instante no por a haya confirmacion di Polis, como cu voceronan policial ta cu vakantie.

Finalmente ta Minister di Husticia mr. Andin Bikker durante conferencia di prensa Diahuebs mainta a confirma detencion di preso Martina cu a huy diadomingo ultimo for di KIA.

Manera ta conoci diadomingo mainta comunidad di Aruba a keda sorprendi cu un noticia desagradabel cu un preso a logra scapa for di Instituto Penitenciario y a causa hopi conmocion den comunidad.

Mesora a tuma pasonan unda a haci un analisis di esaki y diahuebs mainta Martina a keda deteni.

For di diaranson caba tabatin indicacion cu Martina tabata kier a entrega su mes pero esey no a pasa na un manera acelera cu a dicidi di bay over na su detencion Diahuebs mainta na un apartamento cu ta construi riba tereno di su mayor.

- Advertisement -

DUNA COMENTARIO

Please enter your comment!
Please enter your name here