Home General Avenida Nelson Orlando Oduber a keda oficialmente inaugura

Avenida Nelson Orlando Oduber a keda oficialmente inaugura

465
0
SHARE
- Advertisement -

ORANJESTAD (AAN):  Dialuna anochi a tuma lugar e inauguracion di e Avenida Nelson Orlando Oduber.

Na e luz di trafico banda di Guardian Group a tuma lugar un ceremonia special den presencia di mandatarionan, famia, amigonan y coleganan di Partido MEP.

Ex Prome Minister Nelson Oduber a mustra emociona ya cu e tabata un di e personanan cu a mira e inicio di e Plan Sasaki y cu a carga e nomber di Sasakiweg pa 35 aña largo.

Awor, Nelson Orlando Oduber por mira un Avenida cu su nomber. Gabinete Wever-Croes a tuma e decision pa nombra ‘Sasakiweg’, cual ta e caminda cu ta cuminsa for di e cruzada banda di Sun Plaza Mall y finaliza te cu e cruzada na Malmokweg.

Nelson Orlando Oduber actualmente tin 71 aña y ta lider honorario di Partido Movimiento Electoral di Pueblo (MEP). El a bira parti di MEP na 1975.  Na 1989 el a bira Minister Presidente pa prome biaha y a keda den e funcion ey te 1994.

Na 2001 el a bolbe bira Minister Presidente y a bolbe gana eleccion. Na 2005, el a sigui goberna pa un di tres termino como Prome Minister.  E ta casa cu Glenda Oduber-Croes y ta tata di Glenson, Danguillaume y Nelson Jr.

- Advertisement -

DUNA COMENTARIO

Please enter your comment!
Please enter your name here