Home General Awe Aruba Airlines ta inaugura ruta Riohacha

Awe Aruba Airlines ta inaugura ruta Riohacha

34
0
SHARE
- Advertisement -

Anunciando tambe  4 vuelo den hefstvakantie pa Miami

ORANJESTAD (AAN) – Despues di un extenso mercadeo cu Aruba Airlines a haci, a dicidi di inaugura e ruta di Riohacha, Colombia ariba 23 Augustus 2019.

E vuelonan aki lo ta 3 vez pa siman ariba diaranzon, diabierna y diadomingo saliendo for di Aruba 10 ‘or di mainta ora local y ta yegando Riohacha 09:45 di mainta ora di Colombia.

Riohacha ta un punto di conexion atractivo cu ta brinda e posibilidad nan pa conecta cu otro ciudad nan den Colombia mes.

E destinacion Riohacha lo wordo opera door di e avion tipo CRJ-200 Jet cu un capacidad di 50 pasahero.

VUELO PA MIAMI

Alaves debi na tantísimo peticion,  Aruba Airlines lo bay bula 4 vuelo den herfstvakantie na luna di Oktober pa Miami, Florida.

E fechanan pa Miami lo bai ta : 03 October – 06 October – 10 October y 13 October 2019.

E horario pa e vuelo di Aruba pa Miami lo ta den ora nan di mainta 11:15 y ta regresa for di Miami pa Aruba den oranan di atardi 15:45.

Ariba e vuelonan aki lo bay ofrece 2 maleta gratis di 23 kg pa persona y 1 carry on di 8 kg pa persona.

Esaki lo wordo opera door di e avion tipo Airbus A-320 cu un capacidad di 12 Business Class y 138 economy class.                    

  

- Advertisement -

DUNA COMENTARIO

Please enter your comment!
Please enter your name here