Home Hudicial Awe caso di intento di asesinato na Tanki Leendert den Corte

Awe caso di intento di asesinato na Tanki Leendert den Corte

286
0
SHARE
- Advertisement -

ORANJESTAD (AAN) – E dos sospechosonan relaciona cu un tiramento cu a sosode 21 September 2018 na un cas na Tanki Leendert, awe mainta mester presenta dilanti Hues.

Na Mei 2019, e sospechosonan a C.M. y L.M. a presenta dilanti Hues mientras cu e victima R.C. cu a sufri tiro, un hoben, tambe tabata presente. Hues a pospone e caso pasobra un di e sospechosonan no tabatin abogado y Fiscal a manda investiga DNA.

TIRAMENTO

E acusacion cu Fiscal a presenta den Corte contra nan ta di intento di asesinato riba 21 September 2018. A tira riba e homber R.C. Tambe Fiscal ta acusa e duo di posecion di arma y bala cayente riba e mesun fecha. Den tribuna di sala di Corte tabata presente famia di e sospechosonan y tambe e victima R.C.

SOSPECHOSO SIN ABOGADO

Ta asina cu L.M. no tabata kier e abogado cu a bay pa represente. E abogado a desisti tambe. C.M. ta wordo representa pa abogado mr. Carlo. Hues a bisa cu L.M. tin derecho di haya abogado y lo por pospone e caso. Hues a informa L.M. cu e ora ey e caso lo wordo pospone te Augustus 2019 pasobra promer cu esey no tin espacio den e schedule di casonan penal. A keda palabra cu awe mainta tratamento di e caso ta tuma lugar. DIARIO lo informa lectornan tur loke sosode den Corte.

 

- Advertisement -

DUNA COMENTARIO

Please enter your comment!
Please enter your name here