Home Hudicial Awe Corte Superior ta atende apelacion contra sentencia di dama cu a...

Awe Corte Superior ta atende apelacion contra sentencia di dama cu a tira Sky mata

185
0
SHARE
- Advertisement -

ORANJESTAD (AAN) – Luna pasa DIARIO a publica e anuncio di Fiscal den sala di Corte di Husticia di Aruba, cu el a apela e sentencia di e dama Z.Q., pasobra e no ta di acuerdo cu Hues a baha e castigo asina hopi.

Ta asina cu Fiscal a exigi 18 aña di prison y Hues di Corte den Promer Instancia a condena Z.Q. na 10 aña di prison. Fiscal a bisa cu ta Z.Q. ta esun cu a tira Hubert Arrindell (Sky) mata.

CASO CORTE SUPERIOR

Investigacion cu DIARIO a haci ta mustra cu awe den oranan di merdia, Z.Q. mester presenta den sala di Corte di Husticia pa e apelacion di Fiscal contra e sentencia. DIARIO por a compronde cu e miembronan di Corte Superior, Hof, lo no ta na Aruba y cu e caso lo ta via pantaya grandi.

DIARIO por a compronde cu no ta bay trata e caso awe, sino mas bien ta un “pro forma”. Esey ta nifica cu e acusado Z.Q. mester presenta y via pantaya e lo ta mira e miembronan di Corte Superior y mesun cos e miembronan di Corte Superior (Hof), via pantaya ta mira den sala di Corte di Husticia na Aruba.

E intension lo ta pa fiha un fecha pa tratamento di e caso.

Na April 2019, Hues di Corte den Promer Instancia a dicta sentencia den e caso di asesinato di Sky, pa e 4 sospechosonan. Pa e caso specifico di Z.Q., Fiscal a exigi 18 aña di prison. Hues den su sentencia a bisa cu Z.Q. a admiti di a tira.

Pesey Hues ta hay’e complice di asesinato, intento di asesinato riba tres otro persona y posesion di arma di candela. Hues a mustra cu Z.Q. a kita Sky su bida. A causa daño irreparable pa e famia. A tira riba caminda publico y a causa inseguridad.

Hues a tene na cuenta cu Z.Q. ta “first offender” y cu e ta jong (20) y a coopera cu investigacion y a lamenta loke el a haci. Hues a conden’e na 10 aña di prison.

DIARIO lo informa pa ki fecha e tratamento lo tuma lugar.

- Advertisement -

DUNA COMENTARIO

Please enter your comment!
Please enter your name here