Home Salud Baptist Health International impresiona cu progreso y eficiencia di proyecto di ImSan

Baptist Health International impresiona cu progreso y eficiencia di proyecto di ImSan

109
0
SHARE
- Advertisement -

ORANJESTAD(AAN):  Baptist Health International ta e partner principal di ImSan pa loke nan proyecto di renovacion y expansion.

Dialuna durante un conferencia di prensa, Dr. Galed Hakim MD, Director International Health Care Partnerships di Baptist Health International a conta kico el a wak, ora cu el a yega Aruba pa wak con ta bayendo cu e proyecto.

“Desde 2012 nos ta partner di ImSan den un proyecto grandi y nos ta hopi impresiona cu e progreso y e eficiencia cu cual e proyecto ta wordo ehecuta”.

“Nos a caba di haya un tour den algun di e areanan di expansion, incluyendo e parti di radiacion y oncologia”.

“E bunker ta mustra espectacular”.

Esaki segun Dr. Hakim, kende a sigui bisa cu ta algo hopi unico pa un proyecto di e magnitud aki keda cla den e tempo stipula, pasobra e ta tuma hopi tempo y esfuerzo.

“Nos ta hopi emociona cu e futuro di ImSan den e  relacion cu Baptist Health International”.

“E idea ta pa nos asisti ImSan y Aruba pues den promove cuido di salud di calidad halto y eficiencia”.

“Nos team na Miami Cancer Institute ta totalmente operacional for di 2 aña pasa, ora cu un proyecto similar na esun di ImSan a wordo completa”, segun Dr. Hakim, kende a indica cu Baptist Health International ta contento y dispuesto di comparti nan conocimento, pa yuda cu tratamento di e pashentnan aki na Aruba.

“Nos intencion ta pa brinda e tratamento na e pashentnan, pa asina nan no mester bandona e isla pa ricibi esaki”, segun Hakim, kende a bisa cu e proyecto aki ta hopi importante pa Aruba y pesey el a elogia e director di ImSan y tur esnan cu a yuda cu e proyecto.

 

 

- Advertisement -

DUNA COMENTARIO

Please enter your comment!
Please enter your name here