- Advertisement -
ORANJESTAD (AAN): Tabata Diabierna cu a pasa, cu e Fiscal Auxiliar na Guardacosta di Caribe Hulandes staciona na Aruba, a haya peticion pa yuda den un caso di Search and Rescue cerca di Aruba.
Banda di 7:05 pm, nan speedboat tipo Metal Shark a sali bay rumbo area di Barcadera. Ora cu nan a yega, nan a bin topa cu e boto “Relax”, y por a mira cu e tabata pega cerca di e rif na altura di e entrada banda pariba di Barcadera.
E persona abordo a declara, cu nan a haya problema cu motor.
Nan a tira un cabuya pa e boto, y asina e Metal Shark a lastre te na e Pier cu tin banda pabao di Barcadera. Di e forma ey nan ta bek sano y salvo na tera.
- Advertisement -
