Home Hudicial Caso grandi di traficacion di droga pa Hulanda ta sigui

Caso grandi di traficacion di droga pa Hulanda ta sigui

194
0
SHARE
- Advertisement -

ORANJESTAD(AAN):  E luna aki cinco sospechoso lo mester bolbe presenta den Corte di Husticia di Aruba pa e caso penal cu Ministerio Publico a cuminsa contra nan. E grupo aki ta wordo sospecha di ta meti den traficacion di hopi droga pa Hulanda.

Na Mei 2019, e grupo aki a presenta dilanti Hues pero Fiscal a bisa cu e caso ta pro forma pasobra ainda e procesverbaal oficial di Polis no ta cla.

Fiscal a bisa cu e grupo aki ta wordo sospecha di ta forma parti di un organizacion criminal cu ta dedica su mes cu traficacion di lote grandi di cocaina pa Hulanda. 

ORGANIZACION CRIMINAL METI DEN DROGA

E homber di Sint Maarten biba na Aruba K.R., e Colombiano biba na Aruba H.M.O., e dama R.M.O., e homber Colombiano biba na Aruba C.E.V., e homber Venezolano A.V.A. ta e sospechosonan. Ta asina cu H.M.O. y R.M.O. ta pareha casa.

Fiscal a acusa e grupo di ta meti den un organizacion criminal cu ta dedica su mes den traficacion di cocaina pa Hulanda.

Fiscal a splica cu ta un investigacion hopi grandi tanto na Aruba como na Hulanda a tuma lugar y e ta calcula cu pa medio Juni 2019 e relato oficial lo ta cla. Ta papia aki di container carga cu cocaina cu lo tabata wordo manda Hulanda.

Door cu ainda e procesverbaal oficial di Polis ta cla, a keda palabra cu dia 23 Augustus 2019, e sospechosonan lo presenta dilanti Hues y lo bay mira con leu ta cu e investigacionnan y si e abogadonan lo tin deseo pa laga haci cierto investigacionnan.

- Advertisement -

DUNA COMENTARIO

Please enter your comment!
Please enter your name here