Home Comercio Comerciantenan uni ta pidi gobierno reconsidera pa laga e BBO keda riba...

Comerciantenan uni ta pidi gobierno reconsidera pa laga e BBO keda riba e recibo

46
0
SHARE
- Advertisement -

John Chemaly:

ORANJESTAD (AAN) – E comerciante John Chemaly, director di un tienda di paña spaño, situa na Caya Grandi, a hiba palabra den e conferencia di prensa convoca pa Comerciantenan Uni di Aruba, cu a tuma lugar na Camara di Comercio y Industria.

Sr. Chemaly a menciona cu e tema cu ta capta atencion di e comerciantenan, den e sector di  benta di marcanan renombra ta e cambio di BBO, BAZV y BAZV cu mester wordo inclui den e prijs.

Den bista di e comerciante, e cambio aki ta trece hopi dificultad, sr. Chemaly a indica y complicacion pa wordo implementa y esaki ta debi cu no ta considerando e diferente tipo di negoshi y areglonan cu ta existi. Pa negoshinan tipo franchise cu ta un maneho legal y defini, e areglo no ta na Aruba pero den paisnan di origen manera den su caso, Spaña. Por ehemplo pa fast food, ta na Merca, y pa productonan di marca manera Spaña tin areglo cu Merca y Paisnan Europeo, y e cambio ta hopi dificil.

E cambio di e impuestonan menciona ta rekeri di un cambio di contrato, y si e comerciante tin experiencia di traha cu companianan grandi no ta nada facil, specialmente ora ta un contrato legal.

Si acaso e comerciante ta haci tur su esfuerzo pa trece e cambionan, manera cu e ley ta pidi, sr. Chemaly ta puntra kico lo pasa si gobierno ta ta trece, sea ahustacion of cualkier otro cambio adicional, atrobe?

El a sigui bisa cu papiando di marca, tur hende cu conoce esaki sa cu tin cierto cu no por cambia, of ta prohibi pa pone e prijs propio. E prijs di e producto a wordo determina den e contrato legal y pa cambia prijs lo ta imposible y e comerciantenan no por carga e costo aki.

Sr. Chemaly a expresa cu kizas gobierno no ta compronde con  e negociacionnan ta, pero e comerciantenan ta mas cu dispuesto pa sinta cu nan y splica nan con esaki ta hinca den otro, pa asina trece clarificacion den e aspecto aki.

El a reitera cu esaki ta sumamente dificil awendia pa tin un negoshi di retail y sobrebibi na Aruba y e kier pa tur hende compronde esaki.

Pa e aspectonan aki menciona, e comerciantenan uni ta pidi gobierno pa reconsidera pa laga e BBO keda riba e recibo y mantene e belasting aki transparente pa tur ciudadano wak, pa kico nan ta pagando.

- Advertisement -

DUNA COMENTARIO

Please enter your comment!
Please enter your name here