Comercio a informa Gobierno di peligro ‘black market’

    334
    0
    SHARE
    - Advertisement -

    Informacion di DIARIO riba competencia ilegal confirma

    *Pakete di problemanan comercial 2014 presenta na gobierno nobo

    *Na 2014 gobierno Eman a pidi opinion pa introduci BBO pa AZV

    ORANJESTAD (AAN) — E informacion cu DIARIO a presenta ayera como titular riba black market na Aruba, a wordo presenta na e gobierno nobo di Aruba, Gabinete Wever-Croes. Manera DIARIO a trece dilanti e problemanan cu atrobe comercio ta presenta na Gobierno ta data for di 2014 y ta publica den un rapport di Conseho Social Economico tambe tempo cu Gobierno Mike Eman a bini cu un BBO pa AZV.

    E rapport di 2014 tabata contesta di gremionan di Aruba cu den Conseho Social Economico mester a duna nan opinion riba medidanan cu gobierno Mike Eman mester a tuma pa evita e crisis cu awor a presenta.

    E tempo, comercio a mustra riba e problema grandi di black market, cu nunca a wordo atendi.

    Den un combersacion cu Camara di Comercio tabata tin awor cu Ministro di Financia, a bolbe presenta e problema cu na varios ocasion DIARIO a ilustra.

    Den e comunicado oficial cu awor DIARIO a ricibi, Camara di Comercio ta trece lo siguiente dilanti.

    “KvK kier a alerta e Minister riba e situacion di competencia inhusto di cierto wholesalers y comerciantenan den tienda ta confronta cu diariamente. Tin comerciantenan preocupa cu tin negoshinan ilegal cu diariamente ta importa productonan y ta capaz di pone prijs mas abou pasobra nan no ta cumpli cu rekisitonan pa haci negoshi manera registra e negoshi y paga belasting.

    KvK ta sostene e empresarionan y hopi di nan ta kere den competencia pasobra esaki ta hisa e calidad di e producto y servicio y di nan benta ta cumpli cu belasting y beneficionan social di empleado.

    Pero e comerciantenan ta haya cu esaki mester keda den un forma husto caminda ta reina un ‘level playing field’.

    Un comerciante cu ta cumpli cu ley no por competi contra negoshinan ilegal cu no ta cumpli cu leynan di impuesto. Esaki ta resulta cu e gastonan pa mantene un negoshi ta mucho halto anto KvK tin diferente opcion con pa combati esaki.

    KvK su intencion ta pa hunto cu Gobierno yega na solucionnan practico y factibel. Comercio mester por sigui crece door di elimina e obstaculonan cu nan ta confronta manera red tape cu ta obstaculisa e negoshi pa establece door di trece mas gasto y perdemento di tempo.

    Si nos kier stimula comercio y inversionistanan, e ora Gobierno tin cu percura cu e leynan ta facilita y duna espacio na negoshinan pa establece y haya forma pa haci ganashi mientras ta cumpli cu ley y paga impuesto di e negoshi.

    E reunion a duna indicacion di un bon relacion y cu tin un caminda pa cana pa yega na un bon reforma fiscal. KvK ta positivo y a indica na Minister cu KvK kier contribui pa hunto cu Gobierno traha na bienestar di Aruba.

    Directiva di KvK ta agradecido pa e oportunidad presenta pa expresa su punto di bista y scucha esun di Gobierno den reunion aki.”

    Te asina leu loke e comunicado di Camara di Comercio ayera a trece dilanti y riba cual DIARIO lo sigui traha pa informa Aruba.

    - Advertisement -

    DUNA COMENTARIO

    Please enter your comment!
    Please enter your name here