Home Comercio Comercio dispuesto pa coopera den reforma fiscal 

Comercio dispuesto pa coopera den reforma fiscal 

9
0
SHARE
- Advertisement -

 Camara di Comercio a presenta su situacion na Gobierno

*Problemanan cu crisis a nifica pa comercio presenta

*Opcionnan pa belasting indirecto presenta na Ministro

ORANJESTAD  (AAN) — Diahuebs dia 22 di Augustus, Camara di Comercio a sinta na mesa cu Minister di Financia di Aruba.  Den su comunicado, Camara di Comercio di Aruba a trece lo siguiente dilanti.

“E reunion tabata uno positivo caminda tanto KvK como e Minister a discuti abiertamente riba e punto di impuesto en particular e importancia pa laga BBO riba recibo y e consecuencianan cu esaki ta nifica.

KvK a informa Minister riba tur e beneficionan cu ta presenta si laga e BBO riba e recibo. Gobierno y e consumidor ta beneficia di e transparencia aki. E consumidor por verifica kico ta e prijs real y kico ta su pago na BBO/BAZV/BAVP.

Pa comercio e administracion ta hopi simpel y barata, uzando paketenan di computer di mercado of un bon manual di papel cu por compra den boekhandel, pa cumpli cu calculacion y pago.

KvK a expresa su preferencia pa tin un tarifa unico di 6.0% di benta di Producto y Servicio solamente (sin inclui e suma di impuesto) ariba di bon, cu mester ta completamente identico cu e pago cu tin cu haci pa Gobierno, uzando e modelo, por ehemplo di Merca.

Minister a tuma nota di tur e informacion cu KvK a trece dilanti den forma abierto y a informa cu e lo sinta cu tur stakeholder pa tende tur sugerencia cu nan lo por tin.

Pa loke ta e cambio di BBO pa otro sorto di belasting indirecto, KvK a conseha Minister  pa considera e forma di cobra BBO manera sugeri, ya cu esaki ta ofrece varios beneficionan p.e. e ta sumamente rapido l pa implementa.

KvK tambe a entrega Minister un resumen y comparacion di e diferente impuestonan indirecto den uzo awendia  y di cada uno su beneficio of desbentaha y con KvK a yega nan e decision pa sugeri e modelo di  sales tax pa cobra nos BBO/BAZV/BAVP.

KvK a pone su organisacion disponibel  pa sinta cu e comision cu ta trahando riba e reforma fiscal pa splica tur locual KvK a presenta.”

Te aki e comunicado di Camara di Comercio, cu manera otro articulo ta indica a papia tambe cu e impacto di black market riba negoshinan local.

- Advertisement -

DUNA COMENTARIO

Please enter your comment!
Please enter your name here