Home Remitido Companianan ta desmenti loke Frank Weise a declara

Companianan ta desmenti loke Frank Weise a declara

45
0
SHARE
- Advertisement -

Remitido

Companianan ta desmenti loke Frank Weise a declara tanto den corant como na radio.  Door di su sinberguenza, el a haya berguenza.

Hecho ta cu tin contract firma pa cu e Mercedes Benz. A dune e contract pa mustra banco y el a malusa e contract aki pa bay DIMP (Departamento di Impuesto) cune, y a pasa e Mercedes Benz riba su nomber, siendo e no a paga ni un cent preto riba dje!  Nunca mas el a trece e auto bek.

Na varios ocasion a yama Frank Weise pa puntre con a para y esaki a keda bira rond cu tur tipo di splicacion. Ultimo biaha, ta Weise mes a admiti cu el a laga e auto cerca un amigo pa “hipoteca e auto”, y asina presta 15.000 Florin.   Pero e no kier a divulga na unda.

Mesora Propiedades Habibe NV a actua pa pone Aviso y adverti via media y a pidi Frank Weise y Gerla Penja pa trece e auto bek!

Nunca e compania Propiedades Habibe NV a susha ningun hende su nomber. Ni tampoco tin nada di sconde.  Randy Habibe, un ciudadano di 73 aña cu ta traha bon duro tur dia pa compania di su yiu.  Companianan cu semper a aporta na nos comunidad sin worry pa ta den spotlight.  Tur hende conoce Randy y tur su contratiemponan cu tur dia e tin cu confronta den comunidad.

Randy berdad ta amigo di tur hende, pero hamas tabata conoce Frank Weise.

Siman pasa Diahuebs atardi, pa puro casualidad nan ta coriendo y a mira e Mercedes Benz para dilanti McDonald’s Seroe Blanco, bou di palo.  Dos persona tabata habriendo un garage di un cas net dilanti, y tabata cla pa hinca e auto paden.   Cu accion relampago, famia Habibe a blokea e auto.

Mesora e personanan aki a yama nan hefe pa bin atende e asunto. Aki doño di Krokus (lugar conoci pa drecha auto) a aparece y na un manera un poco hostil a yega cu papel di prueba cu el a duna e tal Frank Weise un prestamo di 15.000 Florin y supuestamente e no tabata na altura cu e auto ta wordo busca.  El a bisa cu e ta un hende cu no tin tempo pa lesa corant, ni Facebook, ni scucha radio.

Apesar cu nan a bise cu e auto ta horta, el a para ariba cu e kier e 15.000 Florin pa release e Mercedes Benz.  No a keda otro pa cu e doño di e auto bise cu lo paga esaki. Pa su mañan a bay cu mitar di e suma na man pa mira si e doño di dicho Garage lo laga esaki bay a base di buena fe, pero el a keda para ariba cu esaki no a wordo acorda.

Na mes momento a logra di acumula e resto di placa cash pa duna e doño di e Garage, y a bay busca e Mercedes Benz. E mesun mainta ey doño di Krokus a contact Frank Weise y puntre si acaso e ta doño di e Mercedes Benz of no.  Aki Frank a contesta cu ta “no”, y a bise pa e release e auto numa y wanta su nummerplaat y CD pe.

Riba Dialuna e compania a bay Recherche pa entrega keho di verduistering y a notifica abogado cu e Mercedes Benz a wordo haya.  Propiedades Habibe NV tin prueba di tur documento y no tin miedo pa publica esaki.

Sigur, un danki na tur cu a yuda di un of otro manera door di yama duna tip, cu a yuda share riba Facebook y tabata un respaldo. Un danki special prensa cu a pone atencion y tempo na e sucedido aki y haci tur loke tabata por pa asina por a haya e Mercedes Benz y e Pickup bek.

Propiedades Habibe NV.

- Advertisement -

DUNA COMENTARIO

Please enter your comment!
Please enter your name here