Home Gobierno Conseho di Minister a aproba votacion digital

Conseho di Minister a aproba votacion digital

166
0
SHARE
- Advertisement -

Prome Minister:

ORANJESTAD (AAN) – Gobierno a tuma e decision pa bay den direccion di votacion electronico of digital. Asina Prome Minister a declara den conferencia di prensa, Diahuebs.

E dignatario a menciona cu e ta bay ta un sistema unda e persona ta haya su carchi di voto na cas, den e urna nan ta scan esaki, e ta haya un papel pa bay patras di cortina, unda e ta haya un computer, un  machine den cual e votador ta deposita su voto. E machine ta saca un papel den cual e persona por mira locual el a vota.

E mandatario a subraya cu si no ta loke e machine ta duna lo cual e persona a vota, e tin chens pa cambie te ora e votador confirma su voto. E persona ta sali cu su papel, y e ta deposita esaki den un buzon.

Minister Presidente a splica cu tin un doble control. E machine ta bisa kico e persona a vota pe, y tin e conteo di e papelnan den e buzon na e manera tradicional.

E dignatario a subraya cu no tin un manera pa conkelmento ni pa corupcion, pasobra tin e doble control akinan. El a señala cu no tin problema cu hakmento. Gobierno a busca un sistema cu no tin lugar pa esaki.

Minister Presidente a reitera cu e decision a wordo tuma y aworaki tur cos ta den man di Directora di Censo, cu ta esun encarga hunto cu su comision, pa na un forma transparente yega na e mihor sistema di votacion digital.

E pakico a dicidi pa bay den e sistema digital, ta:

  1. Na prome lugar pasobra e ta mas confiable, tin menos chens pa eror y pa manipulacion humano.
  2. Pasobra e sistema actual ta causa hopi gasto y gobierno mester pone hopi hende riba dia henter un dia, pues casi 24 ora. Vooral e presidente di urna mester tey for di madruga pa busca nan listanan, nan mester ta sinta na urnanan y anochi mester keda conta te e ultimo voto. Den esaki tin chens cu foutnan por wordo cometi, pasobra hende ta cansa.
  3. E mandatario a subraya cu gobierno tin gasto adicional pa paga e personanan aki tambe. Cu e sistema mas confiable aki gobierno ta bay over na menos gasto.
  4. No ta bay tin voto invalido mas. Aworaki un hende ta sali for di e linea y e voto ta bira invalido. Loke si ta bay tin ta voto en blanco. Esey ta un derecho di cada ciudadano.

Finalmente, Prome Minister a señala cu Gobierno di su banda ta bay presenta e idea aki na Parlamento pa scucha su input y opinionnan riba esaki, hunto cu e raportnan di evaluacionnan cu a tuma lugar den añanan anterior.

 

 

- Advertisement -

DUNA COMENTARIO

Please enter your comment!
Please enter your name here