Home Salud Curso “Exercise is Medicine” ta sumamente importante pa yuda pacientnan cronico

Curso “Exercise is Medicine” ta sumamente importante pa yuda pacientnan cronico

19
0
SHARE
- Advertisement -

Dra. Maritza Ordoñez:

ORANJESTAD (AAN) – Dr. Maritza Ordoñez, docter consehero di Departamento di Salud Publico, a participa den conferencia di prensa relaciona cu e programa cu ta bay wordo duna na personanan cu ta traha den ramo di salud: “Exercise is medicine”. E lo tuma lugar na Renaissance Convention Center.

E curso ta tuma lugar Diabierna awo 16 di Augustus y e profesionalnan invita ta un Docter den Medicina Deportivo y tur loke tin di haber cu actividad fisico sra. Sandra Mansudo, di Brasil, y otro docter  procedente di Colombia.

Na e curso ta bay asisti personal di IBISA, AZV, Hospital, Departamento di Salubridad Publico, Docternan di Cas, Specialistanan y incluso, personanan cu ta dirigi gimnasio.

Registracion ta cuminza pa 7.30 or di mainta, y ta bay tin midimento di glucose, presion arterial, peso, altura, masa corporal (si tin vet pafo y paden), y despues lo tin e apertura cu Minister di Salud Publico, cu tambe ta apoyando e curso aki. Despues e dos docternan ta bay elabora riba tur e beneficionan cu “Exercise is Medicina” ta representa.

E importancia di e curso aki ta papia cu e pacient na lugar di remedi (pildo) papia di ehercicio. Mas bien pacientnan cu ta riba tableta, un bez cu nan haci ehercicio ta stop di uza e remedi. Esaki por ehemplo, pacientn Diabetes.

Dra. Ordoñez a expresa cu no ta secreto cu na Aruba tin cuater malesa cu ta hopi halto: Diabetes, Obesidad, Presion y Colesterol halto. Basa riba esaki Fundacion Movemento ta Bida a pone enfasis pa splica kico ta ehercicio y cual ta su importancia. Dr. Ordoñez a subraya cu un bez cu un persona ta cuminza haci ehercicio e ta wak e diferencia mesora. E persona ta libera proteina y toxina, ta drumi bon y ta tene su mes mas saludable.

 

 

- Advertisement -

DUNA COMENTARIO

Please enter your comment!
Please enter your name here