Home Hudicial Dama di Aruba ta perdi desde Diasabra mainta na Leiden

Dama di Aruba ta perdi desde Diasabra mainta na Leiden

7405
0
SHARE
— Abo por a mira Mira Florez Sanabria na Hulanda?
- Advertisement -

ORANJESTAD (AAN): Famianan ta hopi preocupa desde Diasabra, cu un dama procedente di Aruba ta perdi na Hulanda.

Esey ta loke e studiante Gillian Boekhoudt a informa for di Leiden.  Como un aña caba e ta studiando na Leiden, y alrededor di 3 luna pasa su mama Mira Florez Sanabria a bay biba cerca dje na tera frieu.

Riba Diasabra mainta banda di 11’or, Mira Florez Sanabria di 54 aña di edad a sali for di nan cas pa bay cu Bus na centro di Leiden pa haci respondi.  Segun e famia, el a bay eynan pa cumpra un smartphone y cumpra carchi pre-paid di telefon.  E parada di Bus ta net ey dilanti nan cas cu ta den Verdistraat na Leiden-Zuidwest.

— Poster pa yuda den buskeda di Mira.

Ora cu a tarda pa Mira regresa cas, su yiu muher Gillian a trata na yame.  “Despues di 1 minuut a contesta e telefon.  Ningun hende a bisa algo.  E ora a cera telefon bek.”

E problema ta cu Mira Florez Sanabria no ta papia Hulandes ni Ingles.  Y manera costumber, e mama lo a djis regresa cas na final.  Esaki ta prome biaha cu algo asina a socede, y nan no sa kico realmente lo por a pasa.

Desde Diasabra mes, e studiante a subi caya pa asina purba busca su mama.  El a hasta keda Diasabra anochi ta busca tur rond den Leiden.  Diadomingo tambe el a bay como 6 pa 7 biaha riba caya enbusca di su mama, puntra hendenan si acaso po a mire.

Te cu Dialuna, pa Polis di Leiden no tin caso ainda di urgencia pa e caso di Persona perdi aki.  Nan mester warda algun ora pasa prome (72 ora), y asina numa ta cuminza trata e caso.

Gillian ta spera cu e lo por haya informacion unda su Mama a pasa bay, danki na su Carchi di Transporte Publico (OV-chipkaart), cu por track e movimento di cual bus of trein el a subi.  Pero ta Polis ta unico cu por haya e informacion ey di autoridad.

Mientras tanto desde Diadomingo caba, e suplica pa buskeda y informacion di Mira Florez Sanabria ta pasando via di Social Media.  Varios hende di Aruba cu ta biba na Hulanda, ta ocupando ta comparti e informacion aki.

Su famia na Aruba tambe ta hopi preocupa.  Y e speranza tey cu e dianan venidero, lo por haya mas informacion via di Polis relaciona cu e desaparicion di Mira.  Principalmente lo por haya informacion di su carchi di OV di transporte, y tambe kizas triangulacion di su señal di celular, y imagen di security video na lugarnan unda e lo por a baha di Bus.

Na Hulanda a cuminza circula un Poster cu e informacion di Mira Florez Sanabria.

Mira ta naci dia 30 di Januari 1965 y tin estatura di 1.48 meter, cabey color bruin scur, cabey cortico cu ta yega te na schouder, y su wowo ta bruin scur.

Ora cu el a sali di cas, e tabata bisti cu un legging preto, zapato preto, jas blauw, y un rugtas grandi color preto y roos.

Esnan cu tin informacion ta ser pidi pa yama e ruman Gillian na +(31) 685-84-3279.  Tambe por yama Polis di Leiden na 0900-8844.

UPDATED:
  5:20 pm (ora di Aruba).
11:20 pm (ora di Leiden).

- Advertisement -

DUNA COMENTARIO

Please enter your comment!
Please enter your name here