Home Cultura Den Museo Arkeologico Fundacion Rancho a celebra e Dia Mundial di e...

Den Museo Arkeologico Fundacion Rancho a celebra e Dia Mundial di e pueblonan Indigena

41
0
SHARE
- Advertisement -

Cu un intercambio di Idioma: Papiamento y Wayunaiki:

ORANJESTAD (AAN)—Diabierna ultimo, na Museo Arkeologico, organiza pa Fundacion Rancho, a tuma lugar un evento sumamente special y interesante, cu a wordo dedica na e pueblo Indigena Wayu.

Señor Clifford Rosa, Presidente di e Fundacion a splica den entrevista cu DIARIO, cu e evento aki a sosode en combinacion cu e exposicion cu tin di Lazonan Caribeño, unda a para un rato keto riba e fecha cu a wordo proclama pa Nacionnan Uni, esta Dia 9 di Augustus, como Dia Mundial di e Pueblonan Indigena.

Un celebracion hopi importante pa Aruba mirando cu nos isla ta hopi cerca di un grupo indigena, pero nos comunidad tin poco contacto cune, y pesey riba e fecha aki a pone un tiki mas atencion riba e pueblo Wayu.

E pueblo aki ta ubica den La Guajira cu ta na un par di kilometer leu for di Aruba.

Fundacion Rancho ta masha orguyoso di por a presenta dos profesional, un ta drs. Joyce Pereira ken a comparti su conocemento riba e Idioma, ya cu riba e fecha menciona ONU ta pone hopi acento riba e lenganan indigena, y un persona di La Guajira.

Na Aruba nos tin Papiamento cu mester di su atencion, y sigur e otro lenganan indigena tambe. Diabierna tabata tin un intercambio den dos Idioma: Idioma Papiamento y Idioma Wayunaiki.

- Advertisement -

DUNA COMENTARIO

Please enter your comment!
Please enter your name here