Rene Bernabela, lider sindical:
ORANJESTAD (AAN) – Segun e lider di Sindicato TOPA, Rene Bernabela, e carta cu sr. Richard Arends a manda pa gobierno dia 23 di October 2018, ta contra ley y incluso contra Gobernador di Aruba, pasobra e ta malinform’e.
Esaki pasobra na November 2016 sr. Richard Arends tabata minister caba pasobra den e periodo 2026-2027 ya e tabata minister caba y despues Parlamentario.
Segun Bernabela e carta ta duna indicacion caba cu tin cantidad di fout encuanto e contract di sr. Arends, y ta na su lugar pa un investigacion tuma lugar.
Bernabela a referi na Integriteit Kamer, y a bisa cu ora nan tabata kier bin cune pa aplike na tur ambtenaar y empleadonan publico, y su pregunta ta ki dia ta cuminza aplica e integridad pa casonan asina door di e hendenan aki?
Di con semper ta cerca ambtenaar ta cuminza y ora casonan asina aki bin dilanti, tur hende ta bay sconde. E tin entendi cu gobierno a pidi un reunion pa analiza e contract di sr. Richard Arends, loke e ta haya ta na su lugar, pasobra mester tin cuestionamento riba dje, ya cu ta trata di un salario di 2.6 miyon florin.
Si haci un calculacion di e salario cu mester a paga sr. Richard Arends, si esaki a wordo paga, e tabata cobra 1.3 miyon florin pa siman, trahando solamente 13 dia. Y Bernabela ta kere cu ta mas cu na su lugar, si despues di Parlamento, si tin casonan penal cu mester wordo considera tambe, e caso aki mester sigui cana den e direccion ey tambe.
E ta pidi un investigacion den nomber di TOPA y di pueblo di Aruba, Bernabela a subraya.
