Home General Di 26 pa 27 di Augustus tin e training completo den e...

Di 26 pa 27 di Augustus tin e training completo den e temporada peak di horcan

21
0
SHARE
- Advertisement -

Sr. Rino Hermans di Departamento di Calamidad:

ORANJESTAD (AAN) – Señor Rino Hermans, di Departamento di Calamidad, den entrevista cu DIARIO a splica cu nos region ta drenta den e peak di e temporada di Horcan cu ta for di meymey di Augustus te inicio di October.

E aña aki Aruba a manda un par di funcionario pa e Hurricane Conference, y di eynan a bin un concepto unda ta recomenda tur pais di nos region, pa train den e peak di horcan pa asina tur hende prepara nan mes y tur cos ta in place.

Basa riba e recomendacion aki Departamento di Calamidad a move e training di Mei pa Augustus, locual tin su retonan cune, mirando cu tabata tin vacacion y hopi funcionario no tabata tey pa organiza.

No obstante e training ta bay tuma lugar di 21 pa 27 di Augustus awo segun e plan aproba pa gobierno. Tin cinco dia pa prepara tur hende y esey ta e proceso cu nan ta bay cana. Di 26 pa 27 lo ta e 24 oranan di training continuo  pa tur e instancianan cu ta envolvi en caso cu Aruba wordo afecta pa un sistema tropical. Hopi hende ta kere cu mas tanto tin cu tene cuenta cu biento, no obstante Aruba mester tene cuenta mas tanto cu e pasada di awa.

E no mester ta un horcan pero un awacero fuerte pa no lubida IVAN na 2004. Hermans a splica cu tin cierto areanan di Aruba cu no mester lubida cu ta vulnerable ora tin yobida pisa, pero ainda nos pais no a haya un awacero fuerte pa por monitor cual area lo por wordo mas afecta. Tin areanan cu ta un pasada di awa pa lama. Rampen Bureau no ta mucho confortable cu e situacion pasobra despues di 2004 no a haya un evaluacion pa premira, despues di tanto desaroyo na Aruba kico ta e consecuencianan cu meter tene cuenta cu nan.

Den e conferencia tambe a sali afo cu e victimanan di un pasada di awa di un sistema tropical ocho ta pa motibo di awacero dos pa motibo di biento.

El a subraya cu estadisticanan ta mustra cu tin mas victima di awa cu di biento y ta haci un yamada na pueblo di Aruba pa prepara su mes pa e temporada peak aki.

Aña pasa nan tabata tin e training di 36 ora basa riba loke a sosode na Sint Maarten. A tuma tur e escenarionan di Sint Maarten pa train na Aruba y evalua su sistema y forma di traha. E aña aki ta sigui y muy probablemente, ta bay pone un area cu ta bay wordo proteha unda cu cada ken cu haci uso di camindanan publico tin e chens cu polis ta bay pare, pa nan siña search den caso di un desastre y wak kico ta e preguntanan cu ta bay haci na automobilistanan y ta bay entrena pa e facetanan critico mirando e capacidad cu nan tin di hende, kico ta importante pa Aruba, kico ta ayudo cu ta manda pidi  pa sostene nos Isla. Muy probablemente e aña aki e shelter ta bay wordo entrena pa 24 ora, y asina ta keda abao te ora pasa den e plan pa Aruba.

- Advertisement -

DUNA COMENTARIO

Please enter your comment!
Please enter your name here