Home Social Dia 10 di Augustus ta bay celebra Dia Nacional di Ecuador

Dia 10 di Augustus ta bay celebra Dia Nacional di Ecuador

30
0
SHARE
- Advertisement -

ORANJESTAD(AAN): Dia 10 di Augustus e comunidad di Ecuador na Aruba ta bay tene un evento pa conmemora nan independencia di 1809.

Esaki ta bay tuma lugar riba 10 di Augustus venidero.

Den un entrevista e Consul Honorario di Ecuador na Aruba, Magali Guzman a splica cu e independencia di su pais a wordo logra ora cu riba 10 di Augustus 1809 tabata tin un revolucion, unda cu e habitantenan di Ecuador cu tabata bao di gobierno di Spaña a busca nan independencia.

“Nan a logra e independencia temporal na 1809 di 2 luna y e independencia  definitivo a wordo logra 12 aña despues, cu yegada di e ehercito di Simon Bolivar”, segun Guzman, kende a splica cu e fecha ta bay wordo conmemora cu un Santo Sacrificio di Misa dia 10 di Augustus na Iglesia di Fatima na Dakota.

“Henter comunidad di Ecuador y Aruba ta invita pa e Misa aki y tambe tur hende ta invita pa un acto civico cu ta bay tuma lugar durante e Misa”.

Esaki segun e Consul Honorario, kende a bisa tambe cu despues di e Misa ta bay tin un actividad social.

E Misa ta cuminza 7’or di anochi.

DIARIO a puntra e Consul Honorario pa conta algo di e comunidad Ecuatoriano cu ta na Aruba y el a splica cu tin alrededor di 500 persona di Ecuador na Aruba, unda cu tin algun famia cu tin mas cu 30 aña ta biba caba riba nos isla.

Señora Guzman a splica cu ta trata di un comunidad diverso cu semper tabata  y ta conoci di ta un pueblo trahador cu ta consisti di hendenan di paz.

“Nos ta hendenan hopi trankil cu ta dedica na trabao y famia”, segun e Consul Honorario.

- Advertisement -

DUNA COMENTARIO

Please enter your comment!
Please enter your name here