Home Parlamento Diahuebs ta reuni cu Minister di Husticia riba desaroyonan den Husticia

Diahuebs ta reuni cu Minister di Husticia riba desaroyonan den Husticia

9
0
SHARE
- Advertisement -

Parlamentario Rocco Tjon:

ORANJESTAD (AAN): Manera ta conoci e comision fiho di Parlamento encarga cu asuntonan Hudicial a base regular ta reuni cu Minister di Husticia sr. mr. Andin Bikker. Den cuadro di e ultimo desaroyonan, Parlamentario sr. Rocco Tjon, MBA, a convoca un reunion diahuebs venidero.

Lo elabora riba diferente topico, pero muy specifico lo trata e diferente reorganisacionnan cu ta andando manera esun di Cuerpo Especial Arubano, Inmigracion, Instituto Corecional Nacional y Guarda Nos Costa. Tambe lo elabora riba desaroyo di proyectonan y riba Instituto Coreccional Nacional.

-Request For Expression Of Interest

Actualmente tin dos proceso andando pa explora si tin interesadonan pa (1) construi un Instituto Coreccional nobo y (2) ehecuta un proyecto piloto di supervision electronico pa detenidonan. Respectivamente fin di September y fin di Augustus e dos procesonan aki mester termina segun e informacion den e dos “requests for expression”.

Pa loke ta e proyecto piloto di supervision electronico, esaki lo tin implicacion pa cu e procesonan di trabou na K.I.A. y C.E.A. P’esey entre otro ta asina importante pa e “formatierapporten” di ambos organisacion por wordo formalisa.

-Pa conclui

Un reorganisacion semper tin implicacion financiero y p’esey ta importante pa sa di Minister si mester di mas fondo pa ehecuta su intencionnan menciona. Di nos banda nos lo sostene sigur si mester re-aloca fondo di un otro Ministerio pa garantisa seguridad. Na mes momento tambe ta importante pa wak y debati posibel consecuencianan legal y financiero y tambe delibera riba e pasonan necesario cu mester tuma den Husticia.

- Advertisement -

DUNA COMENTARIO

Please enter your comment!
Please enter your name here