Home Social Director di Post Aruba a celebra 35 aña den servicio

Director di Post Aruba a celebra 35 aña den servicio

139
0
SHARE
- Advertisement -

ORANJESTAD (AAN): Diaranson, 14 di augustus, Post Aruba a celebra e hubileo di su Director Sr. Guillermo Raymond kende dia 2 di augustus ultimo a cumpli 35 aña den servicio.

E celebracion aki a tuma lugar na Peanuts Restaurant, na unda Su Excelencia Minister Chris Romero  hunto cu famia di director, algun ex-colega y invitado special a uni cu e staf di Post Aruba pa celebra e ocasion special aki.  Alavez tur empleado di Post Aruba a ricibi un treat for di e director.

Durante e celebracion aki e ex-coleganan postal y Minister Chris Romero a dirigi algun palabra na Sr. Raymond.

Minister Chris Romero, di parti gobierno y como Minister di Transporte, Comunicacion y Sector Primario a entrega Guillermo Raymond un regalo, felicitando y a gradiciendo e pa su 35 añanan di servicio y dedicacion na Post Aruba. Alavez Minister ta menciona cu “Nos ta den tempo moderno, media ta cambia pero nos tin planes grandi cu cambionan pa futuro cu lo beneficia post como tambe pais Aruba.”

Staff di Post Aruba tambe a entregue un plakkaat cu un bunita mensahe como gradicimento pa tur su dedicacion y logronan te cu e dia di awe.

Guillermo Raymond a drenta servicio postal dia 2 augustus 1984 como partido di carta, despues el a bay traha pa 4 aña den e posicion di loket. Un biaha mas el a haya un promocion y a bira Chef di Express Mail Services, introduciendo e servicio di EMS.

Cu tempo el a bira Chef di e departamento di pakete di Post, despues Post Security cu tabata un departamento cu mester a cuida e servicio di Post, pa asina evita cu hendenan ta haci mal uzo di e servicio di Post. Guillermo Raymond a sigui progresa y a bira assistent di e Operation Manager y despues e mes a ocupa e funcion di Operations Manager. 7 aña pasa el a worde nombra Director di Post Aruba N.V.

Durante e 35 aña nan aki, señor Raymond a gana conocemento extenso perteneciente na e funcion y structura operacional di un oficina di Post, incluyendo su posicion den e comunidad postal local y internacional.

Tempo el a  cuminsa como cartero e tabata atendiendo MTS (Middelbaar Technische School). E momento cu Lago Oil Refinery a cera na 1986, no tabata tin hopi oportunidad pa trabao disponibel den e ramo di trabao den cual el a specialisa. Consecuentemente Raymond a keda cu su trabao na Oficina di Post y a realisa cu si e kier sali dilanti y crea un sistema di bida mas lucrativo y stabiel pa su mes y su famia, e lo mester  traha y studia duro y compromete su mes pa logra su metanan. Esaki ta exactamente loke el a haci tambe.

E funcion di Director y principalmente den un compania manera Post, den cual e evolucion tecnologico a afecta e producto principal di e compania, ta un reto hopi grandi.

Enves di skirbi carta, awo tur hende ta manda e-mail of Whatsapp y esey a causa cu e volumen di post a cay hopi. Pero mientras cu di un banda internet y tecnologia a haci daño na e companianan postal, el a habri algun oportunidad tambe. Un di e mercadonan nobo a bira e cumpramento online. Y señor Raymond tin vision y metanan grandi pa engrandece e servicio aki tanto na Aruba como e region Caribense.

- Advertisement -

DUNA COMENTARIO

Please enter your comment!
Please enter your name here