Home General Douaneronan a wordo atendi pa Minister di Finanzas y Minister di Husticia...

Douaneronan a wordo atendi pa Minister di Finanzas y Minister di Husticia den Bestuurskantoor

124
0
SHARE
- Advertisement -

ORANJESTAD (AAN) – Diabierna mainta trahadornan di Douane encabeza pa e lider di Sindicato SADA sr. Edward Maduro, tabata tin un accion despues cu nan no a haya oido di gobierno, den e lucha pa adaptacion di salario cu nan ta hibando pa varios luna caba.

Maduro a duna di conoce na prensa, cu e miembronan a exigi un reunion di e sindicato, despues cu SADA a pidi un encuentro cu Minister Presidente, Minister di Finanzas, DRH y Mediador di Gobierno.

E sindicato a pone como fecha dia 22 di Augustus pa merdia, pero esaki no a concretiza. SADA a haya un mail di Minister Presidente, cu su agenda ta hopi yen y e no por sinta cune e dianan aki, y cu e laga Minister di Finanzas y Minister di Husticia reuni cu e sindicato, pero tampoco nan a haya fecha pa esaki.

E miembronan di SADA masalmente a mustra cu nan a fada di warda y cu nan kier un fecha concreto pa e ehecucion di e ahustacion di salario, y nan a exigi pa nan pidi audiencia cu Minister Presidente na Bestuurskantoor.

Edward Maduro ta kere cu tur esaki por a wordo evita si e ministernan a sinta cu nan na mesa. El a menciona cu ningun momento gobierno a mustra cu e situacion financiero ta impedi e adaptacion di salario. El a señala cu hasta gobierno a regla un fondo pa esaki aña pasa, pero lamentablemente e concretizacion pa loke ta trata e aspecto huridico no a finaliza.

E sindicato y miembronan a bay te Bestuurskantoor pa wak si Minister Presidente lo por a atende nan, y yama un reunion e dia aki mes, pasobra e miembronan a cansa di warda.

E lider di SADA a subraya cu esaki por a wordo evita pa no haci un accion asina den oranan di trabao, pero nan a haya obliga di hacie pasobra pa lunanan largo nan ta pidiendo reunion, y no ta compronde pakico semper tin algo cu ta stroba, ora nan a kere cu tur cos ta cla, y nan a spera di haya un clarificacion.

Na Bestuurskantoor Minister Presidente no por a baha atende cu nan, pero si Minister di Finanzas mr. Xiomara Ruiz Maduro hunto cu Minister mr. Andin  Bikker, y despues e sindicalista a subi bay na e kantoor, y nan a keda di informa despues con e reunion a bay, kico a logra of kico lo ta e siguiente pasonan si no a yega na nada.

Minister Xiomara Maduro a splica nan cu nan tabata den reunion di Conseho di Minister, pero e hunto cu su colega Bikker a baha un rato pa atende cu e grupo di Douane. E dignatario a duna nan un splicacion con e proceso ta bayendo, unda cu Conseho di Minister a haci algun pregunta mirando e situacion financiero di gobierno, y a subraya cu el a splica SADA esaki den diferente ocasion incluso Diahuebs. E tin cu haya e consehonan pa tuma un decision responsable  y e trahadornan di Douane haya algo cu despues lo no por wordo kita ni cambia.

E mandatario a indica cu nan ta stop un rato e reunion di Ministerraad pa splica nan e consehonan cu a drenta ayera y bisa nan ki tempo nan por haya pa e ehecucion tuma lugar.

E Minister a pidi nan pa un delegacion bay ariba hunto cune y mr. Bikker, pa atende esaki.

- Advertisement -

DUNA COMENTARIO

Please enter your comment!
Please enter your name here