Home General E destruccion di situacion financiero y economico di Aruba

E destruccion di situacion financiero y economico di Aruba

100
0
SHARE
- Advertisement -

Resumen 

Un decada despues cu Mike Eman a bay urna electoral pa pidi pueblo duna su persona confiansa pa e crea un futuro nobo pa e pais, Aruba ta conoce e pio momento di su historia.

Sistematicamente e bienestar di Aruba a wordo kibra dor di gobierno Mike Eman, cu a despista pueblo di Aruba cu promesanan falso y accionnan cu mester a conduci na e destruccion financiero y economico di Aruba.

Cruel tabata e forma cu gobierno Mike Eman a uza Aruba pa e yega na poder y asina sinti su mes rey di un pais cu el a destrui na tur forma cu un gobernante por a destrui un pais.

DIARIO cu prueba den su man a mustra pueblo kico a pasa cu Aruba for di momento cu Mike Eman a presenta su mes na pueblo y a uza BBO pa sin ningun documentacion oficial, destrui e base economico y financiero di Aruba.

Tabata obvio for di e prome momento cu Mike Eman a sinta como Ministro Presidente, cu tur su preocupacion tabata pa tin un arma pa e keda na poder y sigui ciega e pueblo cu e tabata destrui.

El a baha BBO cu mita. Pero pa haci esaki, el a hinca Aruba den prestamo tras di prestamo cu awe Aruba mester paga. Un abuso total di confiansa di Pueblo tabata e forma cu a baha BBO y asina kibra e base di entrada di e pais cu na mes momento mester a paga pa cantidad di proyectonan manera tram, fietspad, y otro locura total pa cual el a uza placa di pueblo.

Si tabata placa di Mike Eman, hamas e lo a bay habri caminda pa e proyectonan PPS, cu a kita tur control for di e forma cu e tabata gasta 1.6 Biyon di pueblo, cu a scapa cu e no a alcansa di gasta mas di 1 Biyon na e proyectonan mescla entre gobierno y companianan priva.

“Bo Aruba” cu ta den man di Ministerio Publico ta e herencia cu Mike Eman a laga atras.

Ora Aruba tabata na suela na 2014 y Aruba mester a tuma medida pa keda riba pia, el a bay core busca Citgo, e neishi di corupcion di Chavismo cu el a trece Aruba pa asina pueblo no mira cu ya e pais no tabata tin futuro economico y financiero mas.

Paso a paso Mike Eman a destrui Aruba. Paso a paso Mike Eman y su grupo politico a continua cu su racha y furia pa keda na poder.

Poder total tabata e unico obhetivo di Mike Eman, cu a desgracia Aruba cu Citgo cu el a uza pa pueblo no mira cu caha di pueblo tabata bashi.

Asina tambe el a stroba Aruba di traha riba un porvenir nobo. El a deshaci di plannan cu diferente instancia, manera Camara di Comercio a trece dilanti pa diversifica economia di Aruba.

Awe Mike Eman ta riba baricada. E no tabata suficiente homber pa drenta e Parlamento cu el a lastra pia ariba ora el a trapa riba ley pa sin duna Parlamento oportunidad pa studia e acuerdo di Citgo, mara Aruba na Nicolas Maduro.

Un epoca ta cera. Un epoca di destruccion causa pa e mayoria absoluto di voto cu dies aña pasa Mike Eman a pidi pueblo pa e por a destrui Aruba.

Awe como recuerdo nos ta entrega Mike Eman e balor di su maneho, un instrumento pa e practica cuanto ta “uno y uno” ora bo ta abusa di placa di pueblo pa busca gloria pa bo mes.

 

- Advertisement -

DUNA COMENTARIO

Please enter your comment!
Please enter your name here