Home General E tram di BBO y Citgo a pega den 15 porciento di...

E tram di BBO y Citgo a pega den 15 porciento di crecemento economico

206
0
SHARE
- Advertisement -

Resumen

Prome resumen di e Rapport di Banco Central 

Pa basta dia nos tabata en espera di uno di e rapportnan mas importante di Banco Central pa Aruba. Den “State of the Economy” Banco Central ta duna un relato di berdad financiero, economico y monetario di Aruba cu ta resulta den e situacion social cu e pais ta confronta.

E relato di e ultimo tres lunanan di 2018, ta resumi uno di e capitulonan mas tristo den historia di Aruba. Si por a duna e rapport di cu Banco Central a emiti recientemente un nomber, mester pensa den direccion di e “Tram di BBO y Citgo cu a causa un accidente fatal pa Aruba”.

Den e relato por topa cu e descripcion di e situacion cu Aruba tabata aden na final di 2018. E ta completamente diferente na e loke a wordo proclama na 2008, ora Mike Eman a ciega Aruba cu su campaña contra BBO.

Manera Don Quijote el a cuminsa un guera total contra BBO, cu e lo a elimina for di pantaya di Aruba, cu asina lo a haya placa pa gasta.

BBO a habri caminda pa cuminsa manda e debe nacional halto y a habri caminda tambe pa haya prestamo pa sigui hunga politica den gobierno mientras a pone e tram di Aruba core bay atras y cay den un abismo financiero y economico nunca bisto.

E rapport di Banco Central riba e estado di economia ta duna un bista con Gabinetenan di Mike Eman a destrui Aruba cu engaño.

Mike Eman a bay contra tur advertencia na careda pa Nicolas Maduro y hunto cu otro miembronan di su gabinete a laga Aruba kere cu na 2018 ta riu di oro lo a core den curason di Aruba.

Mike y su gang a describi un situacion den cual economia di Aruba lo a conoce un crecemento di 15 porciento. Segun e proclamacion pa futuro cu Citgo, na 2018 Aruba mester a conoce un abundancia cu hasta Nicolas Maduro lo a trata di haya un prestamo cerca gobierno di Aruba.

E rapport di Banco Central pa e situacion economico di Aruba na 2018, ta algo historico pasobra mester midi e rapport aki cu loke Mike Eman a priminti Aruba, cu a haya como regalo mas y mas BBO pa paga debe nacional mientras ainda mester mira con e asunto di Citgo lo dal Aruba finalmente.

Den e dianan venidero DIARIO, cu ta resumi tur rapport te den detaye pa Aruba lo presenta mas di e Estado di Economia di Aruba na 2018 den cual e berdad ta wordo presenta na Aruba.

Un berdad cu mester wordo poni enfrente e promesanan di campaña di Mike Eman, cu awe tin “Bo Aruba” den un situacion cu sin e medidanan cu a tuma, lo tabata difunto economico, financiero y social na 2018.

Si no tabata pa e hecho cu oficina di turismo a sa di bolter e situacion y reemplasa turista Venezolano cu turismo for di mercadonan nobo despues di un aña cu horcannan a destrui Caribe, Aruba lo tabata den problema serio.

Mester considera e rapport di State of the Economy pa e ultimo parti di 2018 pa Aruba como un documento historico pa un pais cu a descubri kico politica por haci cu un pueblo.

 

- Advertisement -

DUNA COMENTARIO

Please enter your comment!
Please enter your name here