Edificio nobo pa instala 6 unidad di airco pa fria henter Aeropuerto

    155
    0
    SHARE
    - Advertisement -

    Celebrando e spantenbier

    ORANJESTAD (AAN): E expansion di Aeropuerto di Aruba ta bayendo riba schedule!  Esey ta loke director James Fazio a declara Diabierna atardi na ocasion di Spantenbier di e punto mas halto di e edificio di utilidad, cu ta wordo construi un tiki pabao di Aeropuerto.

    E edificio aki lo bay ta e lugar principal cu ta suministra airco pa henter e terminal gigantesco di Aeropuerto di Aruba, incluyendo e dos gate nobo cu ta bao construccion.  Fuera di esey, e edificio di utilidad lo tin tambe dos Generator di Emergencia cu por duna henter e compleho di Aeropuerto coriente durante un emergencia, y ta inclui coriente pa e sistema di Airco Chillers tambe.

    Tur esaki den cuadro di e proyecto Gateway 2030 di Aeropuerto.  DIARIO a tuma nota cu ya caba 2 unidad nobo di chillers a wordo instala.  Unabes cu esakinan ta den funcion, nan lo bay kita e 4 chillers existente den edificionan, y muda nan pa e edificio di utilidad.  E lugarnan bieu di chillers por wordo uza e ora pa otro meta.

    Pues lo bay tin un total di 6 unidad di chillers funcionando den e futuro edificio aki djis pa fria full Aeropuerto.   Fuera a construi un extra tanki di awa banda di dje, di forma cu awor tin 2 tanki cu ta garantiza suministro di awa potable pa Aeropuerto, y hasta por haci uso di dje den caso di candela.

    - Advertisement -

    DUNA COMENTARIO

    Please enter your comment!
    Please enter your name here