Explosion y candela na Ontvanger di Curacao

    144
    0
    SHARE
    - Advertisement -

    ORANJESTAD (AAN): Un explosion sigui pa un candela grandi, ta loke a keda registra Diahuebs madruga na Willemstad, Curacao.

    Parti di e oficina di Ontvanger den Regentessenlaan a sufri di e explosion, y subsecuente candela.  Mesora yamada a drenta y Bomberonan a yega pa asina cuminza cu e trabao di paga e candela.  E candela a bira basta feroz, y a destrui e banda drechi di e edificio.

    Tin indicacion cu e daño di candela, huma, y di awa parti paden ta considerable, incluyendo e parti di sotano.  E espacio bao di e edificio aki ta contene archivo di tur documento di Impuesto.

    Awor ta investigando kico ta e causa di e explosion y candela, aunke no ta descarta e posibilidad cu esaki tabata un atentado.  Pesey ta bay haci un investigacion forensico.

    Hecho ta cu Ontvanger ni Inspectie di Belasting no a perde ningun data, pues tur informacion ta bon warda.  Ta indica cu Ontvanger lo sigui traha normal.

    - Advertisement -

    DUNA COMENTARIO

    Please enter your comment!
    Please enter your name here