Home Cultura Exposicion titula ‘The Self’ na biblioteca San Nicolas

Exposicion titula ‘The Self’ na biblioteca San Nicolas

16
0
SHARE
Created with Nokia Smart Cam
- Advertisement -

ORANJESTAD (AAN):  Biblioteca San Nicolas ta ofrece bishitantenan un exposicion pa wak entrante diahuebs dia 22 di augustus. Sra. Lilly Peterson ta expone 18 obra cu ta conta un storia di su recuperacion despues di e perdida di un ser keri.

E obranan a wordo crea a base di metodo terapeutico di Art therapy. Material usa ta acrilico riba RVS gallery canvas. Titulo di e exposicon ta: ‘The Self’ (E Propio).

Apertura di e exposicion ta diahuebs dia 22 di augustus di 5or pa 7or. E exposicion lo keda un par di luna, te februari 2020 y ta habri durante orario regular di biblioteca. Tur hende ta bon bini pa pasa wak e obranan.

Lilly a scohe pa expone na biblioteca como cu Lifelong learning y tambe educacion di arte ta un di e Sustainable Development Goals cu biblioteca ta sostene. Pa e mes un motibo Lilly ta duna un curso “Traha un buki creativo’ (Art Journal) na biblioteca na Playa pa adulto, esaki ta cuminsa diabierna di 6 di september

   Lilly Peterson a traha hopi aña den enseñansa como docente di arte na Aruba. Na 2016 el a bay studia na Hulanda atrobe y na september 2018 Lilly Peterson a gradua na e Reinwardt Academia na Amsterdam di e programa internacional di museologo cu e titulo Master of Arts den Museologia. Di chikito Lilly Peterson tin un interes y amor pa exposicion.

 

- Advertisement -

DUNA COMENTARIO

Please enter your comment!
Please enter your name here