Home Cultura Faritah Luidens ta bay celebra 50 aña den farandula cu tremendo show...

Faritah Luidens ta bay celebra 50 aña den farandula cu tremendo show den Cas di Cultura

108
0
SHARE
- Advertisement -

ORANJESTAD  (AAN): Diamars a tuma lugar un conferencia di prensa na Cas di Cultura, relaciona cu e hecho cu Faritah Luidens ta bay celebra 50 aña den farandula.

Den un ambiente diferente den sala di Cas di Cultura, cu un demostracion di pelicula chistoso, Cas di Cultura hunto cu Faritah Luidens y JasonCR a habri e conferencia di prensa, presentando e obra “Ken ta Basha Abou” cu ta celebra e di 50 aniversario den farandula di Faritah “Tica Bashabou” Luidens.

E dama icono Arubano aki, personahe di television, canto y teatro a prepara un show spectacular cu su ekipo di actornan local. E show lo representa un montaña Rusa di emocion di hari te yora y lo laga publico cu gana di wak mas!

Luidens durante e conferencia di prensa a indica cu e placa genera pa e show cu e ta bay presenta, ta bay pa yuda Cas di Cultura.

El a indica tambe cu despues di esaki e ta bay yuda Cas di Cultura den diferente area, incluyendo cu mucha.

Cas di Cultura den su afan pa stimula teatro bek riba e tarimanan di Aruba, ta sumamente contento y orguyoso cu e colaboracion aki y ta spera cu e aprecio pa teatro crece mas y mas, director di Cas di Cultura Vicky Arens a expresa.

Na mesa tabata Jason Croes, orguyoso yiu di Faritah, yudando cu tur aspecto di multi media, Luty Martinez ‘stage director’ di e show y Vicky Arens, directora di Cas di Cultura. Tur poniendo na mihor pia dilanti pa resalta un artista y obra Rubiano di calidad halto.

E ekipo organisador, esta Cas di Cultura, Faritah Luidens, Jason Croes, tur actor y colaborador ta invita henter pueblo di Aruba, di 16 aña p’ariba (!), pa bin disfruta di e obra festivo, chistoso y bunita aki.

E prome show lo ta dia 22 di september y lo sigui cu tres show mas dia 3, 4 y 5 di October.

- Advertisement -

DUNA COMENTARIO

Please enter your comment!
Please enter your name here